حوككەي • 24 اقپان، 2021

«بارىس» وۆەرتايمدا ۇتىلدى

7 رەت كورسەتىلدى

قۇرلىقتىق حوككەي ليگاسىنىڭ (قحل) كەزەكتى تۋر ويىنىن قازاندا وتكىزگەن نۇر-سۇلتاننىڭ «بارىسى» جەرگىلىكتى «اق بارس» كلۋبىنا وۆەرتايمدا ەسە جىبەردى، دەپ حابارلايدى Egemen.kz

باستاپقىدا قوس كوماندا الما-كەزەك شابۋىلدار ۇيىمداستىرعانىمەن، بىرازعا دەيىن ءبىر-ءبىرىنىڭ قاقپا كىلتىن تابا المادى. تەك ءبىرىنشى كەزەڭنىڭ اياقتالۋىنا ساناۋلى سەكۋندتار قالعاندا كەرتيس ۆولك ەسە اشتى. ۇزىلىستەن كەيىن دە شيەلەنىستى تارتىس ءوز جالعاسىن تاپتى. بۇل جولى دا «بارىستىڭ» باعى جانىپ، 32-مينۋتتا ەكىنشى شايبانى تورعا توعىتتى. بۇل گولدىڭ اۆتورى – داررەن ديتس. دەسەك تە 35-مينۋتتا ۆيكتور تيحونوۆ ەسەپ ايىرماشىلىعىن قىسقارتسا، ءۇشىنشى كەزەڭنىڭ بەل ورتاسىندا دميتري يۋدين تارازى باسىن تەڭەستىرىپ كەتتى. ارادا ءبىر مينۋت وتپەي جاتىپ جەرلەستەرىمىز قايتا العا شىقتى. لينۋس ۆيدەللدەن پاس العان فيل ۆارونە نىسانانى ءدال كوزدەدى. بىراق بۇل قۋانىشىمىز ۇزاققا سوزىلمادى. 53-مينۋتتا كيريلل پەتروۆ مەرگەندىك تانىتتى. وسىلايشا، ويىن وۆەرتايمعا ۇلاستى. ال قوسىمشا ۋاقىتتا ايدىن يەلەرىنىڭ اسىعى الشىسىنان ءتۇستى. جەڭىس شايباسىن ارتەم گاليموۆ سوقتى. ەسەپ – 4:3.

قورجىنىندا 67 ۇپايى بار «بارىس» قازىر شىعىس ديۆيزيونىندا التىنشى ورىندا كەلەدى. ەندى تۇراقتى بىرىنشىلىكتە جەرلەستەرىمىز ەكى كەزدەسۋ عانا وتكىزەدى: 25 اقپاندا قىتايدىڭ «كۋنلۋن» جانە 27 اقپاندا ومبىنىڭ «اۆانگارد» كلۋبتارىنا قارسى وينايمىز.

سوڭعى جاڭالىقتار

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار