قوستاناي وبلىسى پوليتسيا دەپارتامەنتى باسشىسىنىڭ كەڭەسشىسى ەلەنا كاشارينانىڭ ايتۋىنشا, جكو ناتيجەسىندە «لەكسۋس» اۆتوكولىگىنىڭ جۇرگىزۋشىسى دەنە جاراقاتىن العان.
«اۋەلى «فولكسۆاگەن» اۆتوكولىگى مەن شاعىن اۆتوبۋس سوقتىعىسىپ قالعان. جول اپاتىنا تۇسكەندەردىڭ جاعدايىن بىلمەك بولىپ تاعى ءبىر شاعىن اۆتوبۋس كەلىپ توقتاعاندا, ونىڭ ارتىنان قىتايلىق جۇك كولىگى كەلىپ سوققان. كەيىن تورتەۋىنە «لەكسۋس» كەلىپ سوعىلادى» - دەدى ە.كاشارينا.
وقيعا ورنىندا پوليتسيا قىزمەتكەرلەرى جۇمىس ىستەپ جاتىر. ءتارتىپ ساقشىلارى جول اپاتى قارلى بوراننىڭ سالدارىنان بولعان دەيدى.
