فۋتبول • 23 اقپان، 2021

ابات ايىمبەتوۆ قۇندى ويىنشىلار قاتارىندا

4 رەت كورسەتىلدى

رەسەيدىڭ فۋتبول ۇلتتىق ليگاسىنداعى (فۇل) ەڭ قۇندى ويىنشىلارىنىڭ ءتىزىمى جاريالاندى.  ۇزدىكتەر اراسىندا قازاقستاننىڭ دا وكىلى بار.

كۇنى كەشە عانا سامارانىڭ «كرىليا سوۆەتوۆ» كلۋبىنىڭ جەيدەسىن كيگەن ابات ايىمبەتوۆ ءوزىنىڭ كوماندالىق ارىپتەستەرى يۆان سەرگەەۆ جانە نيكيتا چەرنوۆپەن بىرگە ەكىنشى جانە ءتورتىنشى ورىنداردى ءوزارا بولىسۋدە. نەمىستەردىڭ Transfermarkt پورتالى ۇسىنعان مالىمەتكە سەنسەك، ولاردىڭ ارقايسىسى 1،5 ميلليون ەۆروعا باعالانىپ وتىر. ال بۇل كوشتى ايتۋلى كلۋبتىڭ تاعى ءبىر ويىنشىسى انتون زينكوۆسكي باستاپ تۇر. ونىڭ ترانسفەرلىك قۇنى – 2،5 ميلليون ەۆرو.  ۇزدىك بەستىكتى «ورەنبۋرگتىڭ» جارتىلاي قورعاۋشىسى الەكساندر نويوك (1،1 ملن. ەۆرو) قورىتىندالادى. 

ابات ايىمبەتوۆ 25 جاستا. ول – قىزىلوردانىڭ تۋماسى. سپورتتىق كارەراسىن «اقتوبە» كلۋبىندا باستاعان قانداسىمىز بىلتىرعى ماۋسىمدى الماتىنىڭ «قايراتىندا» وتكىزىپ، 20 كەزدەسۋدە 10 گول سوقتى. 2019 جىلى قازاقستاننىڭ ۇلتتىق قۇراماسىنىڭ جەيدەسىن كيدى. رەسپۋبليكامىزدىڭ باس كومانداسى ساپىندا 12 رەت جاسىل الاڭعا شىعىپ، ەكى گولدىڭ اۆتورى اتاندى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار