ءبىرىنشى كەزەڭدە ەكى كوماندا ابدەن تىرەستى. الايدا ءبىر-ءبىرىنىڭ وسال تۇسىن تابا المادى. ال ۇزىلىستەن سوڭ جاعداي كۇرت وزگەردى. قوناقتار قارقىنىن كۇرت كۇشەيتسە, ايدىن يەلەرى بىلگەندەرىنەن جاڭىلىپ, ءجيى قاتەلىككە ۇرىندى.
وسى مۇمكىندىكتى قوناقتار ۇتىمدى پايدالانىپ, ۆلاديسلاۆ ۋشەنين ەكى رەت (4 پەن 31-مينۋتتار) جانە دميتري سايۋستوۆ (33-مينۋت) ءبىر مارتە نىسانانى ءدال كوزدەدى.
ءۇشىنشى كەزەڭدە دە ولار قارقىندارىن ەش باسەڭدەتپەستەن تاعى ەكى مارتە مەرگەندىك تانىتتى. بۇل گولداردىڭ اۆتورلارى – ولەگ لي (52-مينۋت) مەن دانيل رومانتسەۆ (56-مينۋت). تەك باسەكەنىڭ اياقتالۋىنا ەكى مينۋتتان اسا ۋاقىت قالعاندا نيكيتا ءميحايليستىڭ ءبىر شايبانى قاقپاعا ەنگىزۋگە شاماسى جەتتى. ەسەپ – 1:5.
قازىرگى كەزدە 57 كەزدەسۋدەن كەيىن 66 ۇپاي جيعان «بارىس» «شىعىس» كونفەرەنتسياسىندا سەگىزىنشى ورىندى قاناعات تۇتۋدا. ەندى ولار بۇگىن قازاننىڭ «اق بارسىمەن» سىرت ايدىندا وينايدى.
