وتكەن جىلى دۇنيەدەن وتكەن بالۋاننىڭ ەسىمى ماڭگى ەل ەسىندە. قارشاداي كەزىنەن كۇرەسكە ءومىرىن ارناعان داڭقتى تۇلعانىڭ رۋحىن ۇلىقتاۋ ماقساتىندا تۋعان جەرىندە بىرقاتار جۇمىس اتقارىلۋدا.
جۋىردا بايزاق اۋداندىق تاريحي-ولكەتانۋ مۋزەيىندە جاقسىلىق ۇشكەمپىروۆ اتىنداعى بۇرىش اشىلدى. مۇندا كەلۋشىلەر بالۋان ءومىرىنىڭ ءتۇرلى كەزەڭدەرىمەن تانىسا الادى. «جاڭادان اشىلعان ارنايى بۇرىشقا ايگىلى بالۋاننىڭ جەكە زاتتارى, فوتوسۋرەتتەرى, كىتاپتارى قويىلعان. جادىگەرلەردىڭ ىشىندە جاقسىلىق اعامىزدىڭ العاش جارىستارعا شىققان كەزدە كيگەن اقشىل-سۇر ءتۇستى كوستيۋم-شالبارى دا بار. سپورتشىنىڭ وسى جانە وزگە دە تۇتىنعان زاتتارىن ەرەكشە قىزىعۋشىلىقپەن تاماشالايتىن مۋزەيگە كەلۋشى كوپشىلىك جاستار باتىر جولىن جالعاستىرعىسى كەلەتىنىن ايتادى», دەيدى مۋزەيدىڭ قور ساقتاۋشىسى ايدانا شوتباسوۆا.
بۇگىندە بالۋان تۋعان وڭىردە جاقسىلىق ۇشكەمپىروۆ اتىنداعى سپورت مەكتەبى بار. اتالعان كەشەندە سان مىڭداعان ۇل-قىز سپورتپەن شۇعىلدانىپ, بيىك ارەنالاردا ەلىمىزدىڭ اتىن تانىتىپ ءجۇر. بالۋاننىڭ جولىن جالعاستىرۋشى جاستار ءۇشىن مۇندا بارلىق مۇمكىندىك قاراستىرىلعان.
جامبىل وبلىسى
