ءبىرىنشى كەزەڭدە قوس كوماندا ابدەن تىرەستى. الايدا ءبىر-ءبىرىنىڭ وسال تۇسىن تابا المادى. ال ۇزىلىستەن سوڭ جاعداي كۇرت وزگەردى. قوناقتار قارقىن كۇرت كۇشەيتسە, ايدىن يەلەرى بىلگەندەرىنەن جاڭىلىپ, ءجيى قاتەلىككە ۇرىندى. ول مۇمكىندىكتى ء«سبىرىدىڭ» ويىنشىلارى ۇتىمدى پايدالانىپ, ۆلاديسلاۆ ۋشەنين ەكى رەت (4 پەن 31-مينۋتتار) جانە دميتري سايۋستوۆ (33-مينۋت) ءبىر مارتە نىسانانى ءدال كوزدەدى. ءۇشىنشى كەزەڭدە دە ولار قارقىندارىن ەش باسەڭدەتپەستەن تاعى ەكى مارتە مەرگەندىك تانىتتى. بۇل گولداردىڭ اۆتورلارى – ولەگ لي (52-مينۋت) پەن دانيل رومانتسەۆ (56-مينۋت). تەك باسەكەنىڭ اياقتالۋىنا ەكى مينۋتتان اسا ۋاقىت قالعاندا نيكيتا ءميحايليستىڭ ءبىر شايبانى قاقپاعى ەنگىزۋگە شاماسى جەتتى. ەسەپ – 1:5.
قازىرگى كەزدە 57 كەزدەسۋدەن كەيىن 67 ۇپاي جيعان «بارىس» «شىعىس» كونفەرەنتسياسىندا سەگىزىنشى ورىندى قاناعات تۇتۋدا. ەندى ولار 23 اقپاندا قازاننىڭ «اق بارسىنا» قارسى وينايدى.
