وبلىس اكىمى وڭداسىن ورازالين, ءماسليحات دەپۋتاتتارى, ۇكىمەتتىك ەمەس ۇيىمداردىڭ وكىلدەرى, سپورتشىلار جانە تاۋەلسىزدىك العان جىلدارى دۇنيەگە كەلگەن جاستار قاتىسقان شارا بارىسىندا كوپبالالى جانە از قامتىلعان بىرنەشە وتباسىعا قايىرىمدىلىق كومەگى كورسەتىلدى. ەڭ الدىمەن بۇل جەردە مۇمكىندىگى شەكتەۋلى 15 اقتوبەلىك تۇرعىنعا اقتوبە قالاسىنىڭ ىرگەسىندەگى «شيپاگەر» ساۋىقتىرۋ ورتالىعىندا ەمدەلۋگە جولداما بەرىلدى. سونداي-اق اقتوبەلىك ۆولونتەرلەردىڭ باستاماسىمەن قيىن جاعدايعا تاپ بولعان ءبىر وتباسىعا روللەر بويىندا 400 مىڭ تەڭگە جينالىپ, سەرتيفيكاتى تابىستالدى. اتالعان قاراجات وسى وتباسىنىڭ باسپانالى بولۋى ءۇشىن باستاپقى جارنا رەتىندە تولەنەدى.
قايىرىمدىلىق شارالارى اياقتالعان سوڭ وبلىستىق ءماسليحات دەپۋتاتتارى, سپورتشىلار مەن ۆولونتەر جاستار شاڭعى جارىسىن وتكىزدى. اقتوبەدە ەكى كۇن بويى جاۋعان قالىڭ قار 3 شاقىرىمعا سوزىلاتىن روللەر بويىن تولتىرىپ, قىسقى سپورت تۇرلەرىمەن شۇعىلداناتىن اۋەسقوي سپورتشىلاردىڭ كىرپىشتى ەلدى مەكەنىنە اعىلۋىنا سەبەپشى بولدى. بۇل بيىلعى قىستا ەڭ كوپ جاۋعان قار.
