بۇل تۋرالى اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ ءباسپاسوز قىزمەتى ءمالىم ەتتى.
«ماسەلەن, قاڭتاردا 38 جاستاعى قالا تۇرعىنى تەرگەۋ يزولياتورىندا ۇرلىق جاساعانى ءۇشىن سوتقا دەيىن ۇستالىپ وتىرعان تانىسىنا 3 ۇيالى تەلەفون, 2 دانا قۇلاققاپ پەن ينتەرنەت-مودەم بەرمەك بولعان. سونداي-اق, 23 جاستاعى جىگىت تە تەرگەۋ يزولياتورىندا وتىرعان دوسىنا 4 ۇيالى تەلەفوندى ازىق-ت ۇلىكتىڭ اراسىنا جاسىرىپ, وتكىزبەك بولعان. ال اقپاندا 55-جاستاعى ايەل «ترامادول» دارىلىك زاتىن تاماققا تىعىپ وتكىزبەك بولعانى انىقتالدى»‚ دەيدى كۇزەت جانە رەجيم ءبولىمىنىڭ باستىعى اسىلبەك راحمانوۆ.
ونىڭ ايتۋىنشا, اتىراۋ قالالىق مامانداندىرىلعان اكىمشىلىك سوتىنىڭ قاۋلىسىمەن تۇرمەگە زاڭسىز سالەمدەمە اكەلگەندەرگە ەسكەرتۋ, ايىپپۇل سالۋ تۇرىندەگى جازالار قولدانىلدى.
