العاشقى بولىپ كورتقا زارينا دياس (الەمنىڭ 83 راكەتكاسى) شىقتى. ول امەريكالىق بەرناردا پەرامەن (66) شەبەرلىك بايقاستى. اقش-تىڭ ارۋى تۇساۋكەسەر كەزدەسۋىندە الەمدىك رەيتينگتىڭ بۇرىنعى كوشباسشىسى, گەرمانيالىق انجەليك كەربەردى قاپى قالدىرىپ, بۇل تۋرنيرگە تاماشا بابىندا كەلگەنىن اڭعارتقان ەدى. دەسەك تە ءبىزدىڭ زارينانىڭ دا تەگەۋىرىنى كۇشتى بولدى. ەكى ساعاتتان اسا ۋاقىتقان سوزىلعان باسەكەدە جەرلەسىمىز 6:4, 3:6, 6:3 ەسەبىمەن جەڭىسكە جەتتى.
كوپ ۇزاماي ەلەنا رىباكينا (17) يتاليالىق فيونا فەررومەن (53) كەزدەستى. ءيا, وتانداسىمىزدىڭ WTA تىزىمىندە وزىنەن الدەقايدا تومەن تۇرعان ويىنشىنى ەش قينالاماي ۇتاتىنىنا كۇمان كەلتىرمەگەنىمىز راس. بىراق ءبارى ءبىز ويلاعانداي بولمادى. ەكى سەتتىك سايىس فەررونىڭ پايداسىنا شەشىلدى – 6:4, 6:4.
وكىنىشكە قاراي, الەكساندر بۋبليك تە (45) ەل سەنىمىن اقتاي المادى. 3 ساعات 05 مينۋتكە سوزىلعان سايىستا ول سەربيالىق دۋشان لايوۆيچكە (27) جول بەردى – 4:6, 6:7, 6:4, 3:6.
ەرتەڭ يۋليا پۋتينتسەۆا (33) بەلگيالىق ەليسون ۆان ەيتۆانككە (57) قارسى وينايدى. ال ءۇشىنشى كەزەڭدە زارينا دياس كەزىندە ۋيمبلدون مەن رولان گارروستا توپ جارىپ, الەمنىڭ ءبىرىنشى راكەتكاسى اتانعان يسپانيالىق گاربينە مۋگۋرۋسامەن (32) شەبەرلىك بايقاسادى.
