16 تاۋلىككە سوزىلعان ايتۋلى جارىستا 80 مەملەكەتتەن كەلگەن 2508 ۇمىتكەر باق سىناپ, ولار 15 سپورت ءتۇرى بويىنشا 84 جۇلدە جيىنتىعىن ساراپقا سالدى. ناتيجەسىندە جالپى كوماندالىق ەسەپتە گەرمانيا قۇراماسى كوش باستادى. نەمىستەر 29 (11 التىن+12 كۇمىس+6 قولا) جۇلدەگە قول جەتكىزدى. ەكىنشى جانە ءۇشىنشى ورىنداردى اقش (9+9+7) پەن اۋستريا (9+7+7) ولجالادى. سوداي-اق ۇزدىك بەستىكتىڭ قاتارىنا رەسەي (8+6+8) مەن كانادا (7+10+7) قوسىلدى. وكىنىشكە قاراي, قازاقستاننىڭ سپورتشىلارىنا بۇل بايراقتى باسەكەدە بىردە-ءبىر جۇلدە بۇيىرعان جوق.
جەكەلەگەن سپورتشىلار اراسىندا سيندي كلاسسەن جاسىنداي جارقىرادى. كانادالىق كونكيشى قىز بەس رەت (1 التىن+2 كۇمىس+2 قولا) جەڭىس تۇعىرىنا كوتەرىلدى. ال نەمىس بياتلونشىسى ميحاەل گرايس پەن وڭتۇستىك كورەيانىڭ شورت-ترەك شەبەرلەرى ان حەن سۋ مەن چين سون يۋ ءۇش رەتتەن باس جۇلدەنى ولجالادى.
