• 24 جەلتوقسان, 2013

تاپسىرىس كوپ, تاپشىلىق جوق

516 رەت

كورسەتىلدى

4 مين

وقۋ ءۇشىن

Egemen Qazaqstan

ءوز ءىسىڭدى اشۋ قيىن ەمەس ەكەن

مەركى اۋدانىندا مادەلى قادىرقۇلوۆ ەسىمدى دوسىم بار. ونىڭ ءۇي تۇرمىسىنا قاجەتتى تەرەزە شىعاراتىن مەكەمەسى بار. جۇمىس جاساپ جاتقانىنا شامامەن 7-8 جىل بولىپ قالدى. بىردە مەن دە ءۇيىمنىڭ اۋلاسىندا وتىرىپ, تەرەڭ ويعا باتىپ كەتتىم. ويىما «ءوزىمىزدىڭ شۋ اۋدانىنان وسىنداي ورىن اشسام قالاي بولادى ەكەن؟» – دەگەن يدەيا كەلدى. ەسەپتەپ كورسەم, ونى اشۋ ءۇشىن كەمىندە 1,5 ملن. تەڭگە قاجەت. بىراق, مۇنشا اقشانى كايدان الامىن؟

ءوز ءىسىڭدى اشۋ قيىن ەمەس ەكەن

ەل اۋزىنان «جۇمىسپەن قامتۋ-2020» باعدارلاماسى اياسىندا ۇكىمەتتەن 7 پايىزبەن نەسيە بەرىلەتىنىن كوپ ەستيتىنمىن. بىراق, كۇماندانۋشى ەدىم. سوندا دا, ءۇمىتىمدى ۇزبەي سۇراستىرا ءجۇرىپ, بار قاجەتتى كۇجاتتاردى جيناستىرىپ, اۋدان اكىمدىگىنىڭ جۇمىسپەن قامتۋ بولىمىنە باردىم. مەنى وندا جىلى شىرايمەن قارسى الدى. جاۋاپتى قىزمەتكەرلەرگە كەلگەن سەبەبىمدى ءتۇسىندىرىپ ايتتىم. ولار دايىندالعان قۇجاتتاردى قاراپ شىعىپ, 2-3 كۇننىڭ ىشىندە قاجەتتى سومانى الۋىما بولاتىندىعىن جەتكىزدى. مۇنى ەستىگەننەن كەيىن قاتتى قۋانىپ قالدىم.

ارادا ول كۇندەر دە وتە شىقتى. اتالمىش باعدارلاما ناتيجەسىندە 2 ملن. تەڭگە كولەمىندەگى قاراجاتتى قولىما الدىم. ەڭ الدىمەن, جۇمىس جاسايتىن ورىن ىزدەستىردىم. ونى تاپقاننان كەيىن قاجەتتى ستانوكتاردى جەتكىزىپ الدىم. سودان كەيىن, ۋاقىت وتكىزبەي جۇمىسىمدى باستاپ كەتتىم. بۇل جۇمىستىڭ باستاماسىنا مەركىدەگى جولداسىمنىڭ قول استىندا جۇمىس جاسايتىن ەكى جىگىت كەلىپ قولۇشىن بەردى. كۇننەن-كۇنگە جۇمىسىم العا باستى. اللاعا مىڭ دا ءبىر ءشۇكىر, بۇگىندە تاپسىرىس كوپ, تاپشىلىق جوق.

2011 جىلدىڭ سوڭىندا بۇل ءىسىم وڭعا باسىپ, تىنىمسىز جۇمىس ىستەدىك. اۋدانىمىزدىڭ ءبىراز تۇرعىندارى تاپسىرىستار بەرىپ, كەيدە ۇلگەرمەي دە قالاتىن كۇندەر بولاتىن. دەگەنمەن, تاپسىرىستى ۋاقتىلى وتكىزۋ كەرەك. وسىعان وراي, تۇنگى ۇيقىنى ءتورت ءبولىپ, جۇمىس ىستەگەن كۇندەرىمىز دە بولعان. سول جىلدىڭ كىس مەزگىلىندە اۋا رايىنا بايلانىستى 1-2 اي جۇمىس توقتاپ تۇردى. 2012 جىلدىڭ كوكتەم ايىنان باستاپ, كىزۋ جۇمىس كايتا باستالدى. بۇل كەزدە, ءتىپتى الدىن الا تاپسىرىستار بەرىلىپ قويعان ەدى. نامىسقا تىرىسىپ, ونى دا اتقاردىق.

بۇگىنگى تاڭدا جۇمىس قارقىنى جاقسى. سۇرانىس كۇننەن-كۇنگە ارتىپ جاتىر. ءتىپتى, مويىنقۇم اۋدانىنان دا تاپسىرىستار كەلەدى. ءبىز تاپسىرىستىڭ 1 شارشى مەترىن 12 500 تەڭگەگە جاسايمىز. ونىڭ ىشىنە كوزدەلگەن ورىنعا جەتكىزىپ بەرۋ, ورناتۋ جانە باسقا دا قىزمەتتەر كىرەدى.

جالپى, باعدارلاما جايىندا ايتار بولسام, ول وتە ءتيىمدى. بەلگىلى ءبىر كاسىپپەن اينالىسامىن دەۋشىلەرگە كوپتەگەن جەڭىلدىكتەر مەن مۇمكىندىكتەر جاسالعان. بەرىلەتىن نەسيەنىڭ پايىزى دا قولايلى. سونداي-اق, باستاعان ءىستى اياقتاندىرىپ, جۇمىستىڭ كوزىن تاپقانشا ءبىر جارىم جىل نەسيەنى تولەمەۋگە بولادى. بۇل ۋاقىتتا ءبىراز جۇمىسقا ۇلگەرۋگە بولادى. وزىمدەي قاراپايىم ازاماتتارعا ايتارىم, باستار ىستەن قورىقپاي, العا ماقسات قويىپ, جۇمىس اتقارىڭىزدار. ەلىمىزدىڭ, اۋدانىمىزدىڭ كوركەيۋىنە, دامۋىنا, وسۋىنە ءوز ۇلەسىمىزدى قوسايىق. ويتكەنى, بۇل ءبىزدىڭ بالالارىمىزدىڭ بولاشاعى.

جانتەلى وماروۆ.

جامبىل وبلىسى,

مەركى اۋدانى.