پرەزيدەنت جانىنداعى ورتالىق كوممۋنيكاتسيالار قىزمەتىندە وتكىزىلىپ كەلە جاتقان ءداستۇرلى بريفينگتىڭ بۇل جولعى قوناعى ۇلتتىق بانك توراعاسى قايرات كەلىمبەتوۆ بولدى. ول ءوز كەزەگىندە ەلىمىزدەگى قارجى نارىعىنداعى جاعداي جونىندە اڭگىمەلەدى.
– رەسپۋبليكامىزداعى ۆاليۋتا نارىعىنداعى جاعداي تۇراقتى. ۇلتتىق ۆاليۋتاعا اسەر ەتەتىن ەشقانداي جايت ورىن العان جوق. ەلىمىزدەگى باعا تۇراقتىلىعىن قامتاماسىز ەتۋ – ۇلتتىق بانك ءۇشىن باستى مىندەت.
پرەزيدەنت جانىنداعى ورتالىق كوممۋنيكاتسيالار قىزمەتىندە وتكىزىلىپ كەلە جاتقان ءداستۇرلى بريفينگتىڭ بۇل جولعى قوناعى ۇلتتىق بانك توراعاسى قايرات كەلىمبەتوۆ بولدى. ول ءوز كەزەگىندە ەلىمىزدەگى قارجى نارىعىنداعى جاعداي جونىندە اڭگىمەلەدى.
– رەسپۋبليكامىزداعى ۆاليۋتا نارىعىنداعى جاعداي تۇراقتى. ۇلتتىق ۆاليۋتاعا اسەر ەتەتىن ەشقانداي جايت ورىن العان جوق. ەلىمىزدەگى باعا تۇراقتىلىعىن قامتاماسىز ەتۋ – ۇلتتىق بانك ءۇشىن باستى مىندەت. وزدەرىڭىزگە بەلگىلى, اعىمداعى جىلدىڭ اياعىنا دەيىن ينفلياتسيانىڭ جالپى كورسەتكىشى 5 پايىزدىڭ ماڭايىندا, بۇل وتكەن ون جىل ىشىندەگى ەڭ تومەنگى كورسەتكىش بولعانىن ايتقىم كەلەدى, – دەدى ۇلتتىق بانك توراعاسى ق.كەلىمبەتوۆ. سونداي-اق, ول ۇلتتىق ۆاليۋتامىزدىڭ تۇراقتىلىعى ۇلتتىق بانككە ەلىمىزدىڭ التىن-ۆاليۋتا قورىن ودان ءارى قاراي ارتتىرۋعا مۇمكىندىك بەرگەنىن جانە بۇگىنگى تاڭدا ونىڭ كولەمى 93,9 ملرد. دوللاردان اسىپ وتىرعانىن جەتكىزدى. «ءبىز ەلباسىنىڭ تاپسىرماسىنا سايكەس, ەندىگى جىلى 100 ملرد. دوللاردان استام بىرلەسكەن حالىقارالىق رەزەرۆكە يە بولامىز دەپ ويلايمىن», – دەدى ول.
ۇستىمىزدەگى جىلعى قاراشادا تەڭگەنىڭ اقش دوللارىنا قاتىستى باعامى 1 دوللار ءۇشىن 152,72–154,34 تەڭگە ارالىعىندا وزگەرگەن. ايدىڭ سوڭىندا تەڭگەنىڭ بيرجالىق باعامى ءبىر ايدا 0,4 پايىزعا تومەندەپ, ءبىر اقش دوللارى ءۇشىن 153,68 تەڭگە بولعان. سونىمەن بىرگە, وسى قاراشادا قوسىمشا ساۋدا-ساتتىقتارداعى مامىلەلەردى قوسا العاندا, قازاقستان قور بيرجاسىنداعى بيرجالىق وپەراتسيالاردىڭ كولەمى قازان ايىمەن سالىستىرعاندا 12,3 پايىزعا ۇلعايعان. بيرجادان تىس ۆاليۋتا نارىعىندا وپەراتسيالاردىڭ كولەمى 0,5 پايىزعا تومەندەگەن. جالپى العاندا, ىشكى ۆاليۋتا نارىعىنداعى وپەراتسيالاردىڭ كولەمى بيىلعى جىلدىڭ قازانىمەن سالىستىرعاندا 8,5 پايىزعا كوتەرىلگەن.
2013 جىلعى قازان ايىندا ورنالاستىرىلعان بانكارالىق دەپوزيتتەردىڭ جالپى كولەمى قىركۇيەك ايىمەن سالىستىرعاندا 3,1 پايىزعا وسكەن. ال تەڭگەمەن ورنالاستىرىلعان اتالعان دەپوزيتتەر 26,6 پايىزعا كوتەرىلىپ, 130,4 ملرد. تەڭگەنى قۇراعان. دوللارمەن ورنالاستىرىلعان دەپوزيتتەر 15,8 پايىزعا ارتسا, رەسەي ءرۋبلى جانە ەۋرومەن دەپوزيتتەر 0,3, 0,2 پايىزداردا بولعان.
ۇلتتىق بانكتىڭ بانكتەردەن تارتقان دەپوزيتتەرىنىڭ كولەمى قازان ايىندا قىركۇيەكپەن سالىستىرعاندا وزگەرمەگەن. ياعني, 82,5 ملرد. تەڭگەنى قۇراپ وتىر.
بانكتەردىڭ ەكونوميكانى كرەديتتەۋىنىڭ جالپى كولەمى قازان ايىندا 11040,4 ملرد. تەڭگەنى قۇراپ, 1,0 پايىزعا وسكەن. ۇلتتىق ۆاليۋتاداعى كرەديتتەر 7768,5 ملرد. تەڭگەگە دەيىن, ال شەت ەل ۆاليۋتاسىنداعى كرەديتتەر 3272,0 ملرد. تەڭگەگە دەيىن ۇلعايعان. ۇزاق مەرزىمدى كرەديتتەۋ 8990,2 ملرد. تەڭگە, ال قىسقا مەرزىمدى كرەديتتەۋ 2050,3 تەڭگەگە دەيىن بولعان. ۇزاق مەرزىمدى كرەديتتەۋدىڭ ۇلەس سالماعى ءبىر ايدا 81,5-تەن 81,4 پايىزعا تومەندەگەن.
باسقوسۋدا ۇلتتىق بانك توراعاسى 20 مىڭ تەڭگەلىك ۆاليۋتانى اينالىمعا شىعارۋ ماسەلەسىنە كەلگەندە ونىڭ ءالى ەرتەرەك ەكەنىنە توقتالدى. «بۇگىندە بىزگە 200, 500 جانە 1000 تەڭگەلىك كۋپيۋرالار جەتىسپەيدى. 5000 جانە 10000 تەڭگەنى اينالىمنان شىعارۋ جۇمىسىن توقتاتپاعاندا, ول دا تاپشى بولاتىن ەدى. سوندىقتان قازىر ءبىز 200, 500 جانە 1000 تەڭگەلىك كۋپيۋرالاردى قوسىمشا شىعارۋ بويىنشا جۇمىس جاساپ جاتىرمىز», دەپ اتاپ ءوتتى.
جيىندا كوپتىڭ كوكەيىندە جۇرگەن ساۋالداردىڭ ءبىرى نەسيەگە پاتەر الۋ جايى دا ءسوز بولماي قالمادى. بۇل رەتتە باس بانكير قازاقستاندىقتاردىڭ تەك 5-10 پايىزى عانا نەسيەگە پاتەر الۋعا قاۋقارلى ەكەنىن ايتتى. «قازىرگى كۇندە ەلىمىزدە پاتەر الۋعا بانكتەر بەرەتىن نەسيەنىڭ پايىزدىق مولشەرلەمەسى تىم جوعارى. ولاي بولۋى دا ءتيىس. ويتكەنى, بۇل قارجى قىزمەتىنىڭ حالىقتىڭ تولەم قابىلەتى جوعارى توبىنا ارنالعان سەگمەنت», دەدى.
بريفينگتە ۇلتتىق بانك توراعاسى ق.كەلىمبەتوۆ باق وكىلدەرىنىڭ وزگە دە بىرقاتار سۇراقتارىنا جاۋاپ بەردى.
ءابدىراحمان قىدىربەك,
«ەگەمەن قازاقستان».
