ورتالىق افريكا رەسپۋبليكاسىنىڭ استاناسى بانگي قالاسىندا مىڭداعان ادام فرانتسيا بيلىگىنە قارسى نارازىلىق ءبىلدىرىپ, ەرەۋىلگە شىقتى. بۇل تۋرالى يتار-تاسس حابارلادى.
جەرگىلىكتى باق وكىلدەرىنىڭ مالىمەتى بويىنشا, ەرەۋىلگە شىققانداردىڭ كوبى مۇسىلمان اۋداندارىنىڭ تۇرعىنى. ولار فرانتسيانىڭ قايتادان وار ىسىنە ارالاسىپ جاتقانىنا نارازىلىق بىلدىرۋدە.
فرانتسيا اسكەرى بىرنەشە كۇن بۇرىن بانگلي قالاسىن ءوز باقىلاۋىنا الىپ, ونداعى قارۋلى توپ مۇشەلەرىن قارۋسىزداندىرۋعا كىرىسكەن. سودان بەرى قالاعا حريستيان اۋىلدارىنان قۇرالعان «انتي-بالاكي» قارۋلى توبى شابۋىلداي باستادى. كەزىندە بۇلار مۇسىلمان اۋداندارىنىڭ «سەلەكا» توبىنان زارداپ شەككەن ەكەن. ەندى «انتي-بالاكي» مۇشەلەرى ءوز جاۋلارىنان كەك الىپ جاتقان كورىنەدى.
«حالىقارالىق امنيستيا» قۇقىق قورعاۋ قۇرىلىمىنىڭ دەرەگى بويىنشا, 5 جەلتوقساننان بەرى وار-دا حريستياندار مەن مۇسىلماندار اراسىندا ورىن العان قاقتىعىستار ناتيجەسىندە مىڭنان اسا ادام قازا بولعان. بانگي قالاسىن ءوز باقىلاۋلارىنا العان فرانتسيا اسكەرى ەكى جاقتىڭ سودىرلارىن قارۋسىزداندىرۋدى كوزدەپ وتىر.
ايدار ورىسباەۆ.
دەرەككوز: Itar-tass.com
فوتو: Itar-tass.com
