• 21 جەلتوقسان, 2013

قازاقستان حوككەيشىلەرى - ۋنيۆەرسيادا كۇمىس جۇلدەگەرى

1 مين

وقۋ ءۇشىن

Egemen Qazaqstan

21-12-13-hokkei-kazakhstan-2

بۇگىن, 21 جەلتوقساندا قازاقستاننىڭ قۇراماسى يتالياننىڭ ترەنتينو قالاسىندا ءوتىپ جاتقان ۋنيۆەرسيادانىڭ اقتىق ايقاسىندا كانادا كومانداسىنا 1:3 بولىپ ۇتىلىپ, كۇمىس مەدالدى قاناعات تۇتتى. بۇل تۋرالى Vesti.kz حابارلادى. كەزدەسۋدىڭ باسى ءبىزدىڭ ستۋدەنتتەر تەرمە جاماعاتى ءۇشىن ءبىرشاما ءساتتى قلىپتاستى. ولار 14-سەكۋندتا ەسەپ اشتى. ونى ەۆگەني رىمارەۆتىڭ پاسىن پايدالانعان الەكساندر شين جاسادى. بىراق, 4-8 مينۋتتاردا كانادالىقتار ءۇش شايبا سوعىپ, العا شىعىپ كەتتى. بۇل ارالىقتا «ۇيەڭكى جاپىراعى» ەلىنىڭ مايكل كاتستسولا, دجوشۋا دەي جانە مەتيۋ مايون ەسىمدى حوككەيشىلەرى كوزگە ءتۇستى. جاعدايدىڭ اياق استىنان بۇلاي وزگەرىپ كەتۋى قازاقستاندىقتاردى ءبىراز ابدىراتىپ تاستادى. وسىنىڭ سالدارىنان ولار قاتەلىكتى كوپ جىبەرىپ, دورەكىلىككە ورىن بەرىپ الىپ جاتتى. بۇل كوماندا ساپىنان الاڭنان قۋىلۋشىلار سانىن كوبەيتتى. ەگەر ءبىرىنشى كەزەڭدە ءبىزدىڭ ستۋدەنتتەر 4 مينۋتقا جازا تارتسا, ەكىنشى كەزەڭدە 66 مينۋت (!) ايىپتىلار ورىندىعىندا وتىردى. ال الەكساندر كازناچەەۆ پەن الەكسەي ۆورونتسوۆ ماتچتىڭ سوڭىنا دەيىن قۋىلدى. بۇعان قوساتىنىمىز, ءبىزدىڭ جاتتىقتىرۋشى ۆلاديمير پليۋششەەۆ پەن ونىڭ كومەكشىسى اندرەي پسارەۆ تە كەزدەسۋدىڭ سوڭىنا دەيىن ايدىن ماڭايىنان الاستاتىلدى. ەسكە سالا كەتەيىك, قازاقستان قۇراماسى فينالعا دەيىن تەك جەڭىسكە جەتىپ كەلدى. ول توپتىق تۋرنيردە ۋكراينا, جاپونيا جانە كانادا كوماندالارىن ۇتتى. شيرەك فينالدا لاتۆيانى, جارتىلاي فينالدا اقش-تى تىزە بۇكتىردى. ال رەسەي قۇراماسى ءۇشىنشى ورىن ءۇشىن ويىندا اقش جىگىتتەرىن 6:2 ەسەبىمەن ويسىراتا جەڭدى. دامير قوجامقۇل. دەرەككوز: Vesti.kz.