بۇل دەرەكتى قالالىق پوليتسيا دەپارتامەنتى راستاپ وتىر. الايدا بۇعان دەيىن قالا اكىمدىگى اقپاراتتى جوققا شىعارعان ەدى.
پوليتسيا وكىلدەرىنىڭ مالىمەتىنشە, سپورت باسقارماسىنىڭ باسشىسى ولەگ پوچيۆالوۆ قازاقستاننان باسقا ەكىنشى ازاماتتىق الۋعا تىيىم سالاتىن زاڭدى بۇزعان. سول سەبەپتى شەنەۋنىك قازاقستان ازاماتتىعىنان ايىرىلدى.
«شىمكەنت قالاسى پوليتسيا دەپارتامەنتىنىڭ كوشى-قون قىزمەتى باسقارماسى قازاقستان رەسپۋبليكاسىنىڭ ازاماتى ولەگ ۆلاديميروۆيچ پوچيۆالوۆتىڭ قوس ازاماتتىعى بارىن انىقتادى. ازاماتتىق تۋرالى زاڭنىڭ 21-بابىنا سايكەس كوشى-قون قىزمەتى باسقارماسى ودان قازاقستان رەسپۋبليكاسىنىڭ ازاماتتىعىن جوعالتۋ دەرەگىن تىركەدى», دەپ حابارلادى پد ازاماتتىق جانە يمميگراتسيا ءبولىمىنىڭ باسشىسى گۇلجان نىسانباەۆا.
ايتا كەتەتىن جايت, شەنەۋنىكتىڭ قوس ازاماتتىعى تۋرالى اقپارات بىرنەشە اي بۇرىن جەلىدە پايدا بولعان. وندا پوچيۆالوۆتىڭ قازاقستان جانە رەسەي ازاماتى ەكەنى ايتىلعان.
الايدا سول كەزدە شىمكەنت اكىمدىگىنىڭ وكىلدەرى بۇل مالىمەتتى جوققا شىعارعان ەدى.
