كەشە وبلىس اكتيۆىنىڭ جينالىسى بولىپ, وندا پرەزيدەنت اكىمشىلىگىنىڭ باسشىسى كارىم ءماسىموۆ ەلباسىنىڭ جارلىعىمەن تاعايىندالعان وبلىستىڭ جاڭا باسشىسى قانات بوزىمباەۆتى تانىستىردى. بۇعان دەيىن وبلىستى باسقارعان ەرلان ارىن ءوز وتىنىشىمەن قىزمەتىنەن بوساتىلدى.
كەشە وبلىس اكتيۆىنىڭ جينالىسى بولىپ, وندا پرەزيدەنت اكىمشىلىگىنىڭ باسشىسى كارىم ءماسىموۆ ەلباسىنىڭ جارلىعىمەن تاعايىندالعان وبلىستىڭ جاڭا باسشىسى قانات بوزىمباەۆتى تانىستىردى. بۇعان دەيىن وبلىستى باسقارعان ەرلان ارىن ءوز وتىنىشىمەن قىزمەتىنەن بوساتىلدى.
اكتيۆ جينالىسىندا ءسوز العان قانات بوزىمباەۆ ەكىنشى وبلىستى باسقارۋعا سەنىم بىلدىرگەن ەلباسىنا راحمەتىن ايتىپ, تالاپ پەن سەنىم ۇدەسىنەن شىعۋعا ۇمتىلاتىنىن جەتكىزدى. ق.بوزىمباەۆ 1998-2001 جىلدارى ەلىمىزدىڭ ەنەرگەتيكا, يندۋستريا جانە ساۋدا مينيسترلىگىندە دەپارتامەنت ديرەكتورى, ۆيتسە-مينيستر, 2001-2007 جىلدارى «ەلەكتر جەلىلەرىن باسقارۋ جونىندەگى قازاقستان كومپانياسى» اق پرەزيدەنتى, 2008 جىلى «سامۇرىق» مەملەكەتتىك اكتيۆتەردى باسقارۋ جونىندەگى قازاقستاندىق حولدينگى» اق باسقارماسىنىڭ توراعاسى قىزمەتتەرىن اتقاردى.
جالپى, ق.بوزىمباەۆقا پاۆلودار وبلىسى, ەكىباستۇز, ەنەرگەتيكا سالاسى جاقسى تانىس. 2009 جىلى «KEGOG» اق باسقارماسىنىڭ توراعاسى بولىپ تۇرعان كەزىندە ەلباسىنىڭ قاتىسۋىمەن ەكىباستۇزدان باستالاتىن «سولتۇستىك جۇيەارالىق ەلەكتر جەلىلەرىن» ەلىمىزدىڭ وڭتۇستىك ءترانزيتىنىڭ ەلەكتر تاسىمالداۋ جۇيەلەرىنە قوساتىن العاشقى جوبانى ىسكە اسىرعان بولاتىن. ەندى, سولتۇستىكتەگى يندۋستريالى ءوندىرىستى ءوڭىردى باسقارۋدى قولعا العان ق.بوزىمباەۆقا ساتتىلىك, تابىس تىلەيمىز.
فاريدا بىقاي,
«ەگەمەن قازاقستان».
پاۆلودار وبلىسى.
