ول ءۇشىن كوميتەتتىڭ www.kgd.gov.kz پورتالىنداعى كالكۋلياتوردى اشىپ, وندا سالىق كەزەڭىن, كولىك قۇرالىنىڭ ءتۇرىن جانە قوزعالتقىش كولەمىن كورسەتۋ قاجەت. ەلەكتروندى سەرۆيس ءتيىستى سالىقتى ءوزى ەسەپتەپ بەرەدى. بۇل كالكۋلياتور پورتالدىڭ نەگىزگى ەكرانىنداعى «ەلەكتروندى سەرۆيستەر» بولىمىندە ورنالاسقان.
«بيىلعى جىلدان باستاپ ەنگىزىلگەن وزگەرىستەرگە سايكەس, جەكە تۇلعالاردىڭ 2020 جىلعا ارنالعان كولىك سالىعىن 2021 جىلدىڭ 1 ساۋىرىنەن كەشىكتىرمەي تولەۋ كەرەك», دەپ حابارلايدى قر قارجى مينيسترلىگى مەملەكەتتىك كىرىستەر كوميتەتىنىڭ ءباسپاسوز قىزمەتى.
وسىعان وراي, ءوسىمپۇلداردى ەسەپتەۋ الگوريتمى دە قايتا قارالعان.ەسكە سالا كەتەيىك, وسىعان دەيىن مەملەكەتتىك كىرىستەر كوميتەتى 2020 جىلعى 31 جەلتوقساندا جەكە تۇلعالارعا م ۇلىك, جەر جانە كولىك سالىقتارى بويىنشا سالىقتىق راقىمشىلىق اياقتالعانىن حابارلاپ, وسى مۇمكىندىكتى ەلىمىزدىڭ 1 ملن-نان استام ازاماتى قولدانعانىن جانە ولاردىڭ 2 ملرد تەڭگە سوماسىنداعى سالىققا قارىزدارى كەشىرىلگەنىن جەتكىزگەن بولاتىن.
ايدا ورالبەك
