اسلان حازبي ۇلى 1961 جىلدىڭ 4 اقپانىندا سولتۇستىك وسەتيانىڭ الاگير اۋدانىنىڭ سۋاداگ قالاسىندا دۇنيەگە كەلدى. سول جاقتا ءجۇرىپ, ەركىن كۇرەسپەن شۇعىلداندى. شەبەرلىگى تولىسا كەلە كسرو قۇراماسى ساپىنا قابىلدانىپ, كوپتەگەن بيىك بەلەستەردى باعىندىردى. اتاپ ايتساق, 100 جانە 130 كيلو سالماق دارەجەلەرىندە كۇش سىناسىپ, ءۇش دۇركىن الەم چەمپيونى, ەكى دۇركىن ەۋروپا چەمپيونى, ءتورت دۇركىن الەم كۋبوگىنىڭ يەگەرى, دوستىق جانە ىزگى نيەت ويىندارىنىڭ جەڭىمپازى اتاندى. 1990 جىلدىڭ كوكتەمىندە حادارتسەۆ جول اپاتىنان قازا تاپتى. ول نەبارى 29 جاستا ەدى...
اسلاننىڭ تۋعان ءىنىسى دە داڭقتى بالۋان. 56 جاستاعى ماحاربەك حادارتسەۆ كەزىندە سەۋل مەن بارسەلونادا باس جۇلدەنى ولجالاسا, اتلانتادا كۇمىس مەدالدى موينىنا ءىلدى. الەم جانە ەۋروپا چەمپيوناتتارىن بەس رەتتەن ۇتتى. ءار جىلدارى ول ۆلاديكاۆكاز قالاسىنىڭ مەرى, رەسەيدىڭ مەملەكەتتىڭ دۋماسىنىڭ دەپۋتاتى بولدى.
