ءاۋ باستا بۇل جارىس رەسەيدىڭ تۇمەن قالاسىندا وتەدى دەپ جوسپارلانعان. الايدا دوپينگ داۋى تۋىنداعاننان كەيىن حالىقارالىق بياتلون فەدەراتسياسى ايتۋلى دودانى سلوۆەنيادا ۇيىمداستىرۋدى ءجون كوردى. پوكليۋكاعى جارىستىڭ تولىق كەستەسى مىناداي:
10 اقپان – ارالاس ەستافەتا, 12 اقپان – 10 شاقىرىمدىق سپرينت (ەرلەر), 13 اقپان –7,5 شاقىرىمدىق سپرينت (ايەلدەر), 14 اقپان - 12,5 شاقىرىمدىق ءىز كەسۋ جارىسى (ەرلەر), 14 اقپان – 10 شاقىرىمدىق ءىز كەسۋ جارىسى (ايەلدەر), 16 اقپان – 15 شاقىرىمدىق جەكەلەي سىن (ايەلدەر), 17 اقپان – 20 شاقىرىمدىق جەكەلەي سىن (ەرلەر),18 اقپان – ارالاس ەستافەتا (سۋپەرميكست), 20 اقپان – ەستافەتا (ايەلدەر مەن ەرلەر), 21 اقپان – 12,5 شاقىرىمدىق ماسس-ستارت (ايەلدەر) جانە 21 اقپان – 15 شاقىرىمدىق ماسس-ستارت (ەرلەر).
ەستەرىڭىزگە سالا كەتەيىك, بىلتىرعى جىلى الەم چەمپيوناتى يتاليانىڭ انتحولتس-انتەرسەلۆا قالاسىندا وتكەن ەدى. سول جارىستىڭ جالپى كوماندالىق ەسەبىندە نورۆەگيا قۇراماسى كوش باستادى. ولار 11 (6 التىن+3 كۇمىس+2 قولا) جۇلدەگەگە يەلىك ەتتى. ەكىنشى جانە ءۇشىنشى ورىنداردا – فرانتسيا (3+2+3) مەن يتاليا (2+2+0).
