بۇل شاڭعى سپورتى ورتالىعىن قوستانايلىقتار كوپتەن كۇتكەن ەدى. وڭىردە قىس ۇزاق, جىل سايىن قار شاڭعى سىرعانايتىن قالىڭدىقتا جاۋادى. قىسقى سپورت تۇرلەرىنە قىزىعۋشىلار كوپ تە, ال جاسالعان جاعداي كەمشىن بولاتىن. ەلباسى نۇرسۇلتان نازارباەۆ ءوزىنىڭ قازاقستان حالقىنا جولداۋلارىندا حالىقتىڭ دەنساۋلىعىنا, سالاماتتى ءومىر سالتىنا اسا ءمان بەرىپ كەلەدى. سوڭعى جىلدارى قوستانايدا سپورت نىساندارى بىرىنەن كەيىن ءبىرى بوي كوتەردى.
بۇل شاڭعى سپورتى ورتالىعىن قوستانايلىقتار كوپتەن كۇتكەن ەدى. وڭىردە قىس ۇزاق, جىل سايىن قار شاڭعى سىرعانايتىن قالىڭدىقتا جاۋادى. قىسقى سپورت تۇرلەرىنە قىزىعۋشىلار كوپ تە, ال جاسالعان جاعداي كەمشىن بولاتىن. ەلباسى نۇرسۇلتان نازارباەۆ ءوزىنىڭ قازاقستان حالقىنا جولداۋلارىندا حالىقتىڭ دەنساۋلىعىنا, سالاماتتى ءومىر سالتىنا اسا ءمان بەرىپ كەلەدى. سوڭعى جىلدارى قوستانايدا سپورت نىساندارى بىرىنەن كەيىن ءبىرى بوي كوتەردى.
ەندى, مىنە, توبىل وزەنىنىڭ جاعاسىنان «ارلان-2050» شاڭعى سپورتى ورتالىعى اشىلدى. وعان قاتىسقان وبلىس اكىمى نۇرالى ءسادۋاقاسوۆ بۇل سپورت نىسانى سالاماتتى ءومىر سالتىن قالىپتاستىرۋدا جاڭا بەلەس ەكەنىن ايتتى.
– قازىر تەك قوستاناي قالاسىنىڭ ءوزىندە عانا 313 سپورت عيماراتى بار, ونىڭ قاتارى جىل سايىن تولىعىپ كەلەدى. وبلىس ورتالىعىندا سپورتپەن جانە دەنەشىنىقتىرۋمەن اينالىساتىندار سانى 57 مىڭنان اسىپ تۇسەدى, ونىڭ ىشىندە سپورت سەكتسيالارىنا 22 مىڭ جاس بارادى. سپورت – ادامدار دەنساۋلىعىنىڭ كەپىلى. ەلىمىز سپورتشىلارىنىڭ قىسقى ازيا ويىندارىنداعى تابىسىنان كەيىن سوچيدە وتەتىن XXII قىسقى وليمپيادادان دا ءۇمىتىمىز مول. ءبىزدىڭ الەمدىك دەڭگەيدەگى سپورتشى جەرلەستەرىمىز دە ەل نامىسى ءۇشىن كۇرەسەتىن بولادى, – دەدى نۇرالى مۇستافا ۇلى.
جاڭادان اشىلعان ورتالىقتا سپورتتىڭ قىسقى تۇرىمەن اينالىسامىن دەگەنگە بارلىق جاعداي بار. شاڭعى داڭعىلىنىڭ ۇزىندىعى 130 مەتر, ەنى 36 مەتر. مۇندا كەلۋشىلەر بيىكتەتىلگەن تاۋ شاڭعىسىن دا تەبە الادى. ال ەكى قاباتتان تۇراتىن شاڭعى ورتالىعى عيماراتىنىڭ ىشىندە كەلۋشىلەرگە كيىم اۋىستىراتىن ورىندار, ىستىق شاي ىشەتىن ءدامحانا, قوناقۇي سەكىلدى بارلىق قولايلىلىق قاراستىرىلعان.
شاڭعى سپورتىنان كەزىندە الەمدى دۇرىلدەتكەن يۆان گارانين وسىندا تۇرادى. ارداگەر سپورتشى جاڭا شاڭعى جولىنان ءبىرىنشى بولىپ ءوتتى.
– مەن 1975 جىلى شاڭعىمەن 90 شاقىرىمدى 4 ساعات 30 مينۋت 34 سەكۋندتا جۇگىرىپ وتكەن ەدىم. بۇل رەكوردتى الەمدە ءالى ەشكىم جاڭارتقان جوق. ءبىزدىڭ سپورتشىلارعا ءوسۋ كەرەك. ال مىنانداي زاماناۋي سپورت ورتالىعى باردا جاس شاڭعىشىلاردىڭ تومەن كورسەتكىش كورسەتۋگە حاقى جوق, – دەدى يۆان گارانين.
الداعى ۋاقىتتا جاڭادان اشىلعان شاڭعى سپورتى ورتالىعىنا جاقىن ورنالاسقان شاڭعى بازاسى دا قايتا جوندەۋدەن وتكىزىلەتىن بولادى. ارينە, بۇل شاڭعى سپورتىنىڭ وبلىستا بۇقارالىق سيپات الۋىنا مۇمكىندىك تۋعىزادى. شاڭعى ورتالىعى ورنالاسقان توبىلدىڭ جاعاسىن جاز ايلارىندا دا ءتيىمدى پايدالانۋ ءۇشىن الداعى ۋاقىتتا سۇيرەتپەلى سۋ شاڭعىسى جولىن سالۋ جوسپاردا بار.
بۇل زاماناۋي دەمالىس كەشەنىنە كاسىپكەر بولات تەڭىزباەۆ ءوز قاراجاتىن سالدى. كوپتىڭ يگىلىگىنە اينالار ىسكە ول دا ۇزاق عۇمىر تىلەدى.
ءنازيرا جارىمبەتوۆا,
«ەگەمەن قازاقستان».
قوستاناي.
