پەتروپاۆل قالاسىندا رەسپۋبليكالىق باسىلىمداردىڭ وكىلدەرى مەن مەنشىكتى تىلشىلەردىڭ, جەرگىلىكتى قالام يەلەرىنىڭ, م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى جۋرناليستيكا بولىمشەسى ستۋدەنتتەرىنىڭ, ارداگەر جۋرناليستەردىڭ قاتىسۋىمەن «اشىق ايماق: باق-تىڭ قازىرگى ۋاقىتتاعى جاعدايى جانە دامۋ ۇدەرىسى» اتتى فورۋم ءوتىپ وزەكتى پروبلەمالار نەگىزگى اڭگىمە تاقىرىبىنا اينالدى.
پەتروپاۆل قالاسىندا رەسپۋبليكالىق باسىلىمداردىڭ وكىلدەرى مەن مەنشىكتى تىلشىلەردىڭ, جەرگىلىكتى قالام يەلەرىنىڭ, م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى جۋرناليستيكا بولىمشەسى ستۋدەنتتەرىنىڭ, ارداگەر جۋرناليستەردىڭ قاتىسۋىمەن «اشىق ايماق: باق-تىڭ قازىرگى ۋاقىتتاعى جاعدايى جانە دامۋ ۇدەرىسى» اتتى فورۋم ءوتىپ وزەكتى پروبلەمالار نەگىزگى اڭگىمە تاقىرىبىنا اينالدى.
وبلىس اكىمىنىڭ ورىنباسارى فارحاد قۋانعانوۆ جينالعاندارعا ايماق باسشىسى سامات ەسكەندىروۆتىڭ قۇتتىقتاۋىن جەتكىزىپ, ەسەپتە تۇرعان 70-كە جۋىق اقپارات قۇرالدارىنىڭ حالىق پەن بيلىكتىڭ اراسىن بايلانىستىرۋداعى رولىنە, قوعامدىق پىكىر قالىپتاستىرۋداعى ءمان ماڭىزىنا توقتالدى.
وڭىردەگى قازاق ءتىلدى باق-تاردىڭ دامۋى جايلى مودەراتور, «قىزىلجار اقپارات» جشس ديرەكتورى كارىباي مۇسىرمان بايانداپ بەردى. وتكەن عاسىردىڭ 90-جىلدارى مەملەكەتتىك تىلدە ءبىر عانا گازەت جارىق كورسە, قازىر ءار اۋداندا دەربەس باسىلىم بار. الايدا, اۋداندىق گازەتتەردىڭ ساپاسى كوڭىل كونشىتە بەرمەيدى. ولارداعى شىعارماشىلىق توپتاردىڭ قۇرامىندا كاسىبي بىلىكتىلىگى جوعارى, تاجىريبەلى ماماندار از. جاس كادرلارمەن تولىقتىرۋ جايى مۇلدەم قاناعاتتاندىرمايدى. «قازاقستان» رترك اق باسقارما ءتورايىمىنىڭ ورىنباسارى عالىم ومارحانوۆ مودەراتور كوتەرگەن ماسەلەلەردى قۋاتتاي كەلىپ, اق تاراپىنان اتقارىلىپ جاتقان وڭ ۇردىستەر مەن جيناقتالعان تاجىريبەلەردى ءبولىستى. مەديا-فورۋمعا قاتىسۋشىلار نازارىنا جەرگىلىكتى ءباسپاسوز اقپارات قۇرالدارىنىڭ جوسپار-بيزنەسى توپتاستىرىلعان كورمە ۇسىنىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
