جىل اياعى جاقىن. وسى جىلى نە بىتىردىك, الداعى جىلعا قانداي جوسپارلار بار؟ ەل ءىشىنىڭ احۋالى نەشىك, حالىقتىڭ كوڭىل-كۇيى قالاي؟ جەتىسپەيتىن نە, نازاردان تىس قالعان تۇس بار ما؟ ەكى جىلدىڭ اراسىندا وسىنى ەكشەپ الۋدىڭ ماڭىزدىلىعى بولار, ماڭعىستاۋعا بىرىنەن سوڭ ءبىرى قوس مينيستر كەلدى.
جىل اياعى جاقىن. وسى جىلى نە بىتىردىك, الداعى جىلعا قانداي جوسپارلار بار؟ ەل ءىشىنىڭ احۋالى نەشىك, حالىقتىڭ كوڭىل-كۇيى قالاي؟ جەتىسپەيتىن نە, نازاردان تىس قالعان تۇس بار ما؟ ەكى جىلدىڭ اراسىندا وسىنى ەكشەپ الۋدىڭ ماڭىزدىلىعى بولار, ماڭعىستاۋعا بىرىنەن سوڭ ءبىرى قوس مينيستر كەلدى.
جاڭا مينيسترلىك قىزمەتكە تۇرعاسىن ماڭعىستاۋ وڭىرىنە العاشقى ساپارىن جاساعان وڭىرلىك دامۋ ءمينيسترى ب.جامىشەۆتىڭ ساپارى ەكى كۇنگە سوزىلدى. الدىمەن قۇرىلىسى توقتاپ قالعان «اققۋ» شاعىن اۋدانىنىڭ جوباسىمەن تانىسقان ول قۇرىلىس جانە جوبالاۋ جۇمىستارىنان قاتەلىكتەر كەتكەندىگىن ايتىپ, مەملەكەتتىك باعدارلاما نەگىزىندە سالىنىپ جاتقاندىقتان, نىساننىڭ قۇرىلىسى اياقتالاتىندىعىن جەتكىزدى. ودان ءارى قازىرگى تاڭدا ەسكىرگەن جابدىقتارىمەن تاۋلىگىنە 5 مىڭ تەكشە مەتر اۋىزسۋ عانا تۇشىتۋعا قاۋقارى جەتىپ تۇرعان «كاسپي» سۋ تۇشىتۋ زاۋىتىن ارالادى. بۇدان ون جىلعا جۋىق ۋاقىت بۇرىن ىسكە قوسىلعان زاۋىت كۇردەلى جوندەۋدەن ءوتىپ, جابدىقتارى جاڭارتىلسا, تاۋلىگىنە 30-40 مىڭ تەكشە مەتر سۋ تۇشىتا الادى. زاۋىت باسشىلىعى ءمينيستردىڭ نازارىنا وسىنى سالدى. جولاي مۇنايلى اۋدانىنىڭ باتىر اۋىلىن ەلەكترمەن جابدىقتاۋ جانە گازداندىرۋدىڭ جەلىلەرىن سالۋ ماسەلەلەرىمەن تانىسقان ب.جامىشەۆ جاڭاوزەنگە بارىپ, قالاداعى اۋىزسۋ تازارتاتىن «وزەنينۆەست» ستانساسىندا جانە قالانى جىلۋمەن قامتاماسىز ەتەتىن «وزەنجىلۋ» ورتالىق قازاندىعى عيماراتىندا بولدى. العاشقى نىسانداعى قوس قوندىرعىنىڭ ءبىرى ىستەن شىققاندىقتان, وزگەسىن ورناتۋ ءۇشىن 2 ملرد. تەڭگەدەن استام, ال جىلۋدى قامدايتىن مەكەمەدە قولعا الىنعان جاڭا جوبانىڭ ءۇش كەزەڭى تولىق اياقتالىپ, 4-ءشى كەزەڭدى جۇزەگە اسىرۋ ءۇشىن 1 ملرد. تەڭگە ۇستىندە قارجى قاجەتتىگى ايتىلدى. جاڭاوزەندەگى اپاتتى جاعدايدا تۇرعان 53 ءۇي بار ەكەندىگىن ەستىگەن مينيستر ەسكىنى جاماپ-جاسقاعاننان گورى, ورنىنا جاڭا ۇيلەر سالعان ءتيىمدى دەگەن پىكىرىن ءبىلدىردى. مۇنايلى قالادا بىلتىر اشىلعان بيزنەس-ينكۋباتوردا بولعان ب.جامىشەۆ ءىسساپارىن وبلىس اكتيۆتەرى الدىندا قورىتىندىلاپ, قاراجاتتى ۇنەمدى ءارى ءتيىمدى پايدالانۋ قاجەتتىگىن دالەلدەي ايتتى.
ماڭعىستاۋ وبلىسى جۇمىسسىزدىق ماسەلەسى جونىنەن رەسپۋبليكادا الدىڭعى ورىنداردا تۇر. ءوز ىشىندە ەكى جىلدا جۇمىسسىزدىق كورسەتكىشىن 5,8 پايىزدان 5,5 پايىزعا تۇسىرە العانمەن, بۇل دەڭگەي ماڭعىستاۋدىڭ اتالمىش ماسەلەدەگى تۇيتكىلىن شەشىپ بەرمەگەنى انىق. اسىرەسە, جۇمىسسىزدار اراسىندا جاستار مەن ايەلدەردىڭ سانى كوبىرەك ەكەن. سونداي-اق, وڭىردە سوڭعى ءۇش جىلدا 9 مىڭعا تارتا ادام مەملەكەتتىك قولداۋعا يە بولعان, ناقتىراق ايتساق, ولاردىڭ جارتىسىنان جۋىعى جۇمىسپەن قامتىلىپ, قالعان بولىگى كاسىپكەرلىك وقۋدان وتكەن. بۇل دەرەكتەر ەڭبەك جانە حالىقتى الەۋمەتتىك قورعاۋ ءمينيسترى ت.دۇيسەنوۆانىڭ ماڭعىستاۋعا ءىسساپارى بارىسىندا ايتىلدى.
«بيزنەستىڭ جول كارتاسى-2020» باعدارلاماسى اياسىندا ءوز كاسىبىن اشقان كاسىپكەرلەرمەن, اۋدان, قالا باسشىلارىمەن, سونداي-اق, ش.ەسەنوۆ اتىنداعى كمتجيۋ ستۋدەنتتەرىمەن كەزدەسكەن ت.دۇيسەنوۆا ماڭعىستاۋدا سوڭعى ءۇش جىل كولەمىندە شاعىن نەسيەلەردى 303 ادام العاندىعىن, ونىڭ باسقا وبلىستارمەن سالىستىرعاندا تومەن كورسەتكىش ەكەندىگىن ايتىپ ءوتتى. مينيسترگە ماڭعىستاۋلىقتار تاراپىنان قويىلعان سۇراق «بيزنەستىڭ جول كارتاسى-2020» باعدارلاماسى جايىندا بولدى. «وبلىستا جۇمىسسىزدىق ماسەلەسىنىڭ وزەكتىلىگى حالىقتىڭ باعدارلامانى دۇرىس ءتۇسىنبەۋى سالدارىنان» دەگەن مينيستر وسى ماسەلەنى شەشۋ ءۇشىن كەلەر جىلدان باستاپ قوسىمشا ءتۇسىندىرۋ جۇمىستارىن جۇرگىزۋ قاجەتتىگىن ايتتى, سونداي-اق جۇمىسسىزداردى وقىتۋ كۋرستارىنان وتكىزۋ ماسەلەسىن قوزعادى. اقتاۋداعى ورالمانداردى بەيىمدەۋ جانە كىرىكتىرۋ ورتالىعىندا وزگە ەلدەن قونىس اۋدارعان اعايىنداردىڭ انا ءتىلدى ۇيرەنۋ بارىسىمەن تانىسقان ت.دۇيسەنوۆا وزگە دە الەۋمەتتىك جانە وندىرىستىك نىسانداردى ارالادى.
ءيا, ت.دۇيسەنوۆا ماڭعىستاۋداعى نەگىزگى دەرتتى ءدوپ باستى – جۇمىسسىزدىق! ەم-شاراسىن الۋ ءۇشىن ۇسىنىس-ويىن دا جەتكىزدى, تەك شيپاسىنىڭ شەتى قاشان كورىنەرى عانا بەلگىسىز...
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
