مەملەكەتتىك حاتشى مارات ءتاجيننىڭ توراعالىعىمەن قازاقستان رەسپۋبليكاسى پرەزيدەنتى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەتتىك حاتشى مارات ءتاجيننىڭ توراعالىعىمەن قازاقستان رەسپۋبليكاسى پرەزيدەنتى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
وتىرىس بارىسىندا مەملەكەتتىك قىزمەت ىستەرى اگەنتتىگىنىڭ تارتىپتىك كەڭەستەرى جۇمىسىنىڭ تيىمدىلىگىن ارتتىرۋ جونىندەگى شارالار, سونداي-اق, جەرگىلىكتى اتقارۋشى ورگاندارعا ترانسفەرتتەر تۇرىندە بولىنگەن بيۋدجەتتىك قاراجاتتاردى پايدالانۋ بويىنشا ماسەلەلەر تالقىلاندى.
مەملەكەتتىك قىزمەت جۇيەسىندەگى جەمقورلىق قۇقىق بۇزۋشىلىقتاردىڭ دەر كەزىندە الدىن الۋ جانە جولىن كەسۋ, جالپى العاندا, ازاماتتىق قوعامنىڭ بيلىك ورگاندارىنا دەگەن سەنىمىن ارتتىرۋ كوپ جاعدايدا تارتىپتىك كەڭەستەردىڭ جۇمىس ساپاسىنا بايلانىستى بولاتىنى اتاپ ءوتىلدى.
سونىمەن بىرگە, كوميسسيا جەرگىلىكتى اتقارۋشى ورگاندارعا ترانسفەرتتەر تۇرىندە بولىنگەن بيۋدجەتتىك قاراجاتتاردى پايدالانۋ تيىمدىلىگى ماسەلەلەرىن قارادى.
ماقساتتى ترانسفەرتتەر كولەمىن ساپاسىز جوسپارلاۋ, بيۋدجەتتىك باعدارلامالار اكىمشىلەرى تاراپىنان ءتيىستى باقىلاۋدىڭ جوقتىعى انىقتالعان بۇزۋشىلىقتاردىڭ نەگىزگى سەبەبى بولىپ تابىلادى.
وتىرىس بارىسىندا مەملەكەتتىك قىزمەت ىستەرى اگەنتتىگىنىڭ توراعاسى ءا.بايمەنوۆتىڭ, پرەمەر-مينيستردىڭ ورىنباسارى – قارجى مينيسترى ب.سۇلتانوۆتىڭ, ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ توراعاسى ر.ءتۇسىپبەكوۆتىڭ, سونداي-اق, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى مەن باس پروكۋراتۋرا وكىلدەرىنىڭ ەسەپتەرى تىڭدالدى.
