ايماقتار • 28 قاڭتار، 2021

قوستانايلىق ۇزدىكتەر ەلباسى ماراپاتىنا يە بولدى

20 رەت كورسەتىلدى

قوستاناي وبلىسىندا قر ءماجىلىسى جانە ءماسليحات سايلاۋىنىڭ ۇگىت-ناسيحات جۇمىستارىنا بەلسەنە اتسالىسىپ، جەڭىسكە قوسقان ۇلەسى ءۇشىن بۇگىن «Nur Otan» پارتياسىنىڭ مۇشەلەرى، بەلسەندىلەرى مەن بارلىق دەڭگەيدەگى ءماسليحات دەپۋتاتتارى پارتيا توراعاسى، ەلباسى نۇرسۇلتان ءابىش ۇلى نازارباەۆتىڭ اتىنان العىس حاتتارمەن ماراپاتتالدى. وبلىس بويىنشا جالپى 1000-عا جۋىق ادام ماراپاتقا يە بولادى. ولاردىڭ 200 جۋىعى  - «Jas Otan» جاستار قاناتىنىڭ بەلسەندىلەرى، دەپ حابارلايدى Egemen.kz

سالتاناتتى راسىمگە جينالعانداردى «Nur Otan» پارتياسى وبلىستىق فيليالىنىڭ توراعاسى ەلدار كۇزەنباەۆ قۇتتىقتادى.

«بۇگىن وسى جەردە جينالىپ، پارتيامىزدىڭ توراعاسى اتىنان العىس حات الۋ اركىمگە مارتەبە دەپ بىلەمىن. جانە بۇل سىزدەردىڭ اتقارعان زور ەڭبەكتەرىڭىزدىڭ ارقاسى. ءبىر اي ۋاقىت كولەمىندە كۇن-ءتۇن دەمەي تەر توگىپ،  ەلىمىز ءۇشىن ايانباي ەڭبەك ەتكەندەرىڭىزگە كوپ راحمەت. دەگەنمەن بۇل ۇلكەن جولدىڭ باسى،ءالى دە باعىندىرار بەلەستەرىمىز جەتەرلىك. الدا حالىققا بەرگەن ۋادەمىزدى ورىنداۋ مىندەتى تۇر. وسى رەتتە ءبارىمىز بىرىگىپ ءالى دە تالاي جۇمىس اتقاراتىنىمىزعا سەنىمدىمىن»، دەدى ە.كۇزەنباەۆ.

جينالعاندا تاراپىنان ءسوز سويلەگەن حالىق اقىنى، ايتىسكەر ءاسيا بەركەنوۆا پارتيا باسشىلىعىنا، ەلباسى نۇرسۇلتان ءابىش ۇلىنا ريزاشىلىعىن ءبىلدىردى.

«Nur Otan»  – حالىقتىڭ پارتياسى. ءاردايىم حالىق قامى ءۇشىن ايانباي ەڭبەك ەتەتىن ازاماتتاردى سىزدەردىڭ قاتارلارىڭىزدان كورەمىز. از دا بولسا قوسقان ۇلەسىمىزدى كوپتەي كورىپ، ءبىزدى ءاردايىم قولداپ جۇرگەندەرىڭىز ءۇشىن راحمەت»، دەدى ءاسيا بەركەنوۆا.

 

قوستاناي وبلىسى

سوڭعى جاڭالىقتار

ۇقساس جاڭالىقتار