مەكتەپ-ينتەرناتتار, مەديتسينالىق-الەۋمەتتىك مەكەمەلەر مەن جابىق تۇردەگى بالالار مەكەمەلەرى ءۇشىن ءاربىر ەمحانانىڭ جانىنان ءبىر-بىردەن جىلجىمالى ەگۋ بريگاداسى شىعادى. بۇلاردى قوسقاندا, ايماقتا جالپى سانى 93 ستاتسيونارلىق جانە جىلجىمالى ەگۋ پۋنكتتەرى جۇمىس ىستەيتىن بولادى. ۆاكتسيناتسيا پۋنكتتەرىن 150-گە دەيىن كەڭەيتۋگە مۇمكىندىك بار.
ۆاكتسيناتسيا كەزىندە قابىلداۋ, تاسىمالداۋ جانە ۇيىمداستىرۋ شارالارىنا جۇمىلدىرىلاتىن 160 مامان الدىن الا ارنايى وقۋ كۋرستارىنان ءوتتى.
سونىمەن قاتار, ۆاكتسيناتسيا جۇرگىزەتىن ەمدەۋ مەكەمەلەرىنە ساقتاۋ تەمپەراتۋراسى -20 گرادۋسقا دەيىن جانە ودان دا تومەن 120 مۇزداتقىش قۇرىلعى ساتىپ الىنادى. بۇل ءبىر مەزگىلدە ۆاكتسينانىڭ 73 مىڭ دوزاسىن سالۋعا مۇمكىندىك بەرەدى. توڭازىتقىشتاردىڭ العاشقى لەگى وسى اپتانىڭ سوڭىنا دەيىن جەتكىزىلمەك.
مۇنىڭ سىرتىندا, شالعاي اۋداندارعا ۆاكتسينا تاسىمالدايتىن اۆتورەفريجەراتور جانە سۋىق ساقتاعىش قابىلەتى بار 100 تەرموكونتەينەر ساتىپ الىنادى. بۇگىندە وبلىستا 2-50 ليترلىك 817 تەرموكونتەينەر بار. قولدا بار مۇزداتقىش جابدىقتاردىڭ ءوزى قازىردىڭ وزىندە 8,8 مىڭ دوزا ۆاكتسيناتسيا ەگۋگە مۇمكىندىك بەرەدى.
وبلىستىق اكىمدىك جانىنداعى اقپاراتتىق شتاب مالىمەتى بويىنشا, ەڭ ءبىرىنشى كەزەكتە ۆاكتسيناتسيا ينفەكتسيالىق ستاتسيونارلاردىڭ, جەدەل مەديتسينالىق كومەك قىزمەتكەرلەرىنىڭ, جانساقتاۋ جانە قارقىندى تەراپيا بولىمشەلەرىنىڭ, العاشقى مەديتسينالىق-سانيتارلىق كومەك مەكەمەلەرىنىڭ, ستاتسيونارلارداعى قابىلداۋ بولمەلەرى مەن سانەپيدقىزمەتتىڭ ماماندارىنا ەگىلەتىن بولادى.
