قازاقستان • 28 قاڭتار، 2021

قازاقستان 2023 جىلدان باستاپ لاتىن الىپبيىنە كوشەدى

1479 رەت كورسەتىلدى

ۇكىمەت باسشىسى اسقار مامين قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا وتىرىسىندا جاڭا الىپبيگە كەزەڭ-كەزەڭىمەن كوشۋ 2023 جىلدان باستاپ 2031 جىل ارالىعىندا جوسپارلانىپ وتىرعانىن ايتىپ ءوتتى، دەپ حابارلايدى Egemen.kz

جاڭا الىپبيگە كەزەڭ-كەزەڭىمەن كوشۋ 2023 جىلدان باستاپ 2031 جىل ارالىعىندا جوسپارلانىپ وتىر.

«جەتىلدىرىلگەن ءالىپبي نۇسقاسى قازاق ءتىلىنىڭ دامۋىنا جاڭا سەرپىن بەرىپ، ونىڭ زاماناۋي ۇردىستەرگە ساي جاڭعىرۋىنا ىقپال ەتەدى. الداعى ۋاقىتتا قازاق ءتىلىن لاتىن گرافيكالى الىپبيگە كەزەڭ-كەزەڭىمەن كوشىرۋ باعىتىندا قارقىندى جۇمىس جۇرگىزۋ كەرەك»، دەدى ۇكىمەت باسشىسى اسقار مامين.

ۇكىمەت باسشىسى لاتىن گرافيكاسى نەگىزىندەگى قازاق ءتىلى ءالىپبيىن جەتىلدىرۋ بويىنشا حالىق اراسىندا كەڭ اۋقىمدى اقپاراتتىق-ءتۇسىندىرۋ جۇمىستارىن جۇرگىزۋدى تاپسىردى.

سوڭعى جاڭالىقتار

ۇقساس جاڭالىقتار