ايماقتار • 28 قاڭتار، 2021

اداسىپ كەتكەن بالىقشىلاردى پوليتسيا قۇتقاردى

15 رەت كورسەتىلدى

قوستاناي وبلىسىنىڭ سارىكول اۋدانىندا جەرگىلىكتى پوليتسەيلەر قارلى بوراندا اداسىپ كەتكەن ەكى بالىقشىنى قۇتقارىپ قالدى، دەپ حابارلايدى ەgemen.kz

سارىكولگە قارماق سالۋعا كەلگەن قوس بالىقشى سولتۇستىك قازاقستان وبلىسىنىڭ تۇرعىندارى بولىپ شىقتى. 

«28 قاڭتاردا تۇنگى ساعات ءۇش شاماسىندا اداسىپ كەتكەن بالىقشىلاردىڭ ءبىرى اۋداندىق پوليتسيا بولىمىنە حابارلاسىپ، كومەك سۇرادى. 27 قاڭتار كۇنى كەشكە تامان اۋا رايى بۇزىلىپ، بوران كوتەرىلىپ كەتتى. اق تۇتەكتىڭ استىندا قالعان بالىقشىلار كەرى قايتپاق بولعانىمەن، جول تابا الماي قالىپتى.  قىرسىققاندا كولىكتەرى دە سىنىپ قالعان»، دەپ مالىمدەدى وبلىستىق پوليتسيا باسقارماسىنىڭ ءباسپاسوز قىزمەتى.   

سول ءتۇنى كەزەكشىلىكتە وتىرعان كاپيتان جاسۇلان سۇلتانوۆ پەن مايور جانات ەسماعامبەتوۆ حابار تۇسىسىمەن «گاز 66» اۆتوكولىگىنە ءمىنىپ، سارىكولگە بەت تۇزەيدى. كولدىڭ قاق ورتاسىندا تۇرعان جەڭىل كولىككە قاراي جۇرگەن ىزدەۋشىلەردى ابدەن توڭىپ قالعان قوس بالىقشى كۇتىپ الادى.

پوليتسەيلەر بالىقشىلاردىڭ ىستەن شىققان «ۆاز 21214» كولىگىن اۋدان ورتالىعىنداعى جىلى بوكسقا سۇيرەپ اپارىپ، وزدەرىن پوليتسيا بولىمىنە پانالاتقان.  

سوڭعى جاڭالىقتار

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار