مەن تۇركيادا وقىپ جۇرگەن قازاق ستۋدەنتىمىن. جالپى, وسى ەلدىڭ ساكاريا قالاسىندا ەلىمىزدەن 40-تان استام ۇل-قىز وقيدى. 16 جەلتوقسان – قازاقستان رەسپۋبليكاسىنىڭ تاۋەلسىزدىك كۇنى مەرەكەسىندە ءبارىمىز باس قوسىپ, وسى ۇلىق مەيرامدى اتاپ وتتىك. وعان وزىمىزگە ءدارىس بەرەتىن ۇستازدارىمىزدى جانە ستۋدەنت دوستارىمىزدى شاقىردىق.
مەن تۇركيادا وقىپ جۇرگەن قازاق ستۋدەنتىمىن. جالپى, وسى ەلدىڭ ساكاريا قالاسىندا ەلىمىزدەن 40-تان استام ۇل-قىز وقيدى. 16 جەلتوقسان – قازاقستان رەسپۋبليكاسىنىڭ تاۋەلسىزدىك كۇنى مەرەكەسىندە ءبارىمىز باس قوسىپ, وسى ۇلىق مەيرامدى اتاپ وتتىك. وعان وزىمىزگە ءدارىس بەرەتىن ۇستازدارىمىزدى جانە ستۋدەنت دوستارىمىزدى شاقىردىق.
ءوزىمىز وقيتىن ۋنيۆەرسيتەتتىڭ ءماسليحات زالىندا ءتاۋەلسىز قازاقستان جايىندا بەينەتۇسىرىلىمدەر, سلايدتار كورسەتتىك. وتانىمىز تۋرالى ولەڭدەر وقىپ, ءان ايتتىق, دومبىرامەن قازاق كومپوزيتورلارىنىڭ كۇيلەرىن ورىندادىق. ۋنيۆەرسيتەت ۇستازدارى دا وزدەرىنىڭ تاراپتارىنان بىزدەردى قازاقستان ءتاۋەلسىزدىگىنىڭ 22 جىلدىعىمەن شىن جۇرەكتەن قۇتتىقتاپ, ىزگى تىلەكتەرىن ءبىلدىردى.
مەرەكەلىك جيىن سوڭىندا بارلىعىمىز ۇلتتىق تاعامدارعا تولى داستارقانعا وتىردىق. قازاقتىڭ ەتى مەن قۋىرداعى داستارقانعا ەرەكشە ءسان بەرىپ تۇردى. قازاقستاندىق ستۋدەنتتەر قاي ەلدە بولسا دا, قاستەرلى تاۋەلسىزدىك مەرەكەسىن ۇمىتپايدى.
نازار تۇرىقباي ۇلى,
ستۋدەنت.
تۇرىك رەسپۋبليكاسى.
