قازاقستاندىق كاسىپقوي بوكسشى بەيبىت شۇمەنوۆ WBA سۋپەر-چەمپيونى اتاعىن قورعاپ قالۋ جولىندا سلوۆاك تاماش كوۆاچپەن كەزدەستى. اۋىر سالماقتاعى بىلعارى قولعاپ شەبەرلەرىنىڭ بۇل ۇرىسى 3-راۋندتا ءبىزدىڭ جەرلەسىمىزدىڭ تەحنيكالىق نوكاۋتقا جەتۋىمەن اياقتالدى.
قازاقستاندىق كاسىپقوي بوكسشى بەيبىت شۇمەنوۆ WBA سۋپەر-چەمپيونى اتاعىن قورعاپ قالۋ جولىندا سلوۆاك تاماش كوۆاچپەن كەزدەستى. اۋىر سالماقتاعى بىلعارى قولعاپ شەبەرلەرىنىڭ بۇل ۇرىسى 3-راۋندتا ءبىزدىڭ جەرلەسىمىزدىڭ تەحنيكالىق نوكاۋتقا جەتۋىمەن اياقتالدى.
شايقاس اقش-تىڭ سان-ديەگو قالاسىندا شارشى الاڭدى شايقادى. ءۇشىنشى راۋندتا بەيبىت قارسىلاسىن جويقىن سوققىمەن ۇرىپ قۇلاتتى. رەفەري سول بويدا ۇرىستى توقتاتىپ, جەڭىستى شۇمەنوۆكە بەردى. سەبەبى, ول مۇنىڭ الدىنداعى ەكى راۋندتىڭ اربىرىندە ءبىر رەتتەن نوكداۋنعا جەتىپ ەدى.
ايتا كەتەتىن ءبىر جايت, امەريكاعا شىمكەنتتەن اتتانعان بەيبىتتىڭ مۇنىڭ الدىنداعى سوڭعى جەكپە-جەگىن وتكىزگەنىنە ءبىر جارىم جىل بولىپ قالعان ەدى. بۇدان بۇرىن ونىڭ IBF نۇسقاسىنداعى الەم چەمپيونى, 48 جاستاعى امەريكالىق بەرنارد حوپكينسپەن شايقاساتىنى ايتىلعان بولاتىن.
«مەن بارلىق تيتۋلداردىڭ باسىن قوسقىم كەلەتىنىن بۇرىن ايتقانمىن. قازىر مەنىمەن بەرنارد حوپكينستىڭ شايقاسقىسى كەلىپ ءجۇر, – دەدى شۇمەنوۆ ماتچتان كەيىنگى سۇحباتىندا. – بۇل مەن ءۇشىن قۇرمەت بولىپ سانالادى, سوندىقتان ۇسىنىستى قۋانا قابىلدايمىن. ەندى ءبارى پروموۋتەرلىك Golden Boy كومپانياسى مەن Showtime تەلەكومپانياسىنىڭ ءوزارا كەلىسىمدەرىنە بايلانىستى. ماتچتىڭ قاي ۋاقىتتا وتەتىنىن سولار بەلگىلەيدى».
رۋسلان يگىلىك.
