اقمولا وبلىسىندا جۇزدەگەن جولاۋشى قارلى بۇرقاسىن سالدارىنان مەجەلى جەرىنە جەتە الماي, جارتى جولدا قالىپ قويدى. بۇل تۋرالى «استانا» تەلەارناسى حابارلادى.
ايماقتا ۇيىتقىپ سوققان جەل جولاۋشىلاردى ابىگەرگە سالدى. توتەنشە جاعدايلار قىزمەتىنىڭ ەسكەرتۋىنە قۇلاق اسپاي, جولعا شىققانداردىڭ كولىگى قار قۇرساۋىنان شىعا الماي قالعان. مۇنداي وقيعا «استانا-پەتروپاۆل» جولىنىڭ جاڭاتالاپ اۋىلىنداعى بولىگىندە تىركەلىپ, 15 ادام قاۋىپسىز جەرگە كوشىرىلدى. سونىمەن بىرگە, اقكول اۋماعىنداعى جولدان 85 ادام قۇتقارىلدى. قار اراسىنان 4 جولاۋشى ارشىپ الىنعان ەكەن.
جامبىل وبلىسىنا قاراستى شاقپاق جانە كۇيىك اسۋلارىندا كولىكتەردىڭ بوراننىڭ سالدارىنان جۇرە الماي قالعانى تۋرالى دەرەك تە تىركەلدى. بۇگىن ەلىمىزدىڭ بارلىق وڭىرلەرىندە تۇمان ءتۇسىپ, جەلدىڭ جىلدامدىعى سەكۋندىنا 20 مەترگە دەيىن بولادى دەپ بولجانۋدا. وسىعان وراي, ماماندار الىس ساپارعا شىقپاۋ كەرەكتىگىن ەسكەرتەدى.
باقىتبەك كەنەش ۇلى.
دەرەككوز: «استانا» تەلەارناسى
