كۇرەس • 26 قاڭتار، 2021

بۇگىن ۆالەنتين يوردانوۆتىڭ تۋعان كۇنى

8 رەت كورسەتىلدى

بۇگىن داڭقتى بالۋان، ەركىن كۇرەستىڭ حاس شەبەرى ۆالەنتين يوردانوۆتىڭ تۋعان كۇنى. بولگاريانىڭ بەتكەۇستارى 61 جاسقا تولىپ وتىر، دەپ حابارلايدى Egemen.kz

ەركىن كۇرەستەن وتكەن الەم چەمپيوناتتارىندا جەڭىپ العان جۇلدەلەردىڭ سانى مەن ساپاسى جاعىنان ۆالەنتين يوردانوۆتىڭ وزگەلەردەن شوقتىعى بيىك. بولگاريانىڭ باعىنا تۋعان بالۋاننىڭ باعىندىرماعان بەلەسى جوق. 1983-1995 جىلدار ارالىعىندا جالاۋى جەلبىرەگەن ايتۋلى جارىستا 10 مارتە باق سىناعان ول بارلىعىندا ولجاعا كەنەلدى. ناقتىلاپ ايتساق، 7 التىن، 2 كۇمىس جانە 1 قولا مەدالدى ولجالادى.

سونىمەن قاتار ەۋروپا بىرىنشىلىگىندە جەڭىپ العان 9 (7 التىن+1 كۇمىس+1 قولا) جۇلدەسى تاعى بار. ءبىر قىزىعى، وسىنداي وراسان زور بەلەستەردى باعىندىرعان داڭقتى بالۋاننىڭ كوپكە دەيىن وليمپيادا التىنىنا قول جەتكىزە الماي ءجۇردى. 1988 جىلى سەۋلدە يوردانوۆ ساتسىزدىككە ۇشىرادى. 1992 جىلى بارسەلونادا قولا مەدالدى قاناعات ۇتتى. تەك 1996 جىلى اتلانتادا اسىعى الشىسىنان ءتۇسىپ، 36 جاستان اسقان شاعىندا «ماڭگى توزباس» اتاققا قول جەتكىزدى.  

52 كيلو سالماقتا كۇش سىناسقان ۆالەنتين يوردانوۆتىڭ اتلانتا وليمپياداسىنىڭ ءۇشىنشى اينالىمدا ءبىزدىڭ ماۋلەن مامىروۆتان باسىم تۇسكەن ەدى. سول جارىستا بولگاريانىڭ وكىلى باس جۇلدەنى ولجالاسا، قازاقتىڭ ۇلى قولا مەدالدى موينىنا ءىلدى.

 

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار