جوعارىدا اتالعان كوماندالاردىڭ ەكەۋى دە ازۋلى. ماسەلەن, رەسەي قۇراماسى 2018 جىلى پحەنچحاندا الاۋى تۇتانعان وليمپيا ويىندارىندا جەڭىمپاز اتانسا, 1998 جىلى ناگانودا كۇمىس جانە 2002 جىلى سولت-لەيك-سيتيدە قولا مەدالدى يەلەندى. الەم چەمپيوناتتارىندا ولار 5 التىن, 3 كۇمىس جانە 5 قولانى ەنشىلەدى. سونداي-اق, كەزىندە داڭقى دۇركىرگەن كسرو قۇراماسىنىڭ نەگىزىن ءدال وسى رەسەيلىكتەر قۇراعانىن دا ەستەن شىعارماعان ءجون. بەلارۋس حوككەيشىلەرى 2002 جىلعى وليمپيادادا ءتورتىنشى ورىنعا تابان تىرەسە, 2006 جىلعى الەمدىك دودادا التىنشى ساتىعا جايعاستى. ولار باسقا دا تۋرنيرلەردە ءتاۋىر ناتيجە كورسەتۋدە.
ارينە, قازاقستان قۇراماسى ونداي كورسەتكىشتەرىمەن ماقتانا المايدى. سول سەبەپتى دە نۇر-سۇلتانداعى تۋرنير اعىمداعى جىلدىڭ 21 مامىرى مەن 6 ماۋسىم ارالىعىندا لاتۆيادا وتەتىن الەم چەمپيوناتى قارساڭىندا ءبىزدىڭ جىگىتتەر ءۇشىن ۇلكەن تاجىريبە مەكتەبى بولاتىنى داۋسىز.
