كەشە كوكشەتاۋ اۋەجايىندا «ترانساەرو» اۋە كومپانياسىنىڭ العاشقى كوكشەتاۋ – ماسكەۋ حالىقارالىق رەيسى جاسالدى. بۇل وقيعا قالالىق اۋەجايدىڭ «KTZ Express» كولىكتىك-لوگيستيكالىق كومپانياسىنا سەنىمدى باسقارۋعا وتۋىنە بايلانىستى جۇزەگە اسىرىلدى.
كەشە كوكشەتاۋ اۋەجايىندا «ترانساەرو» اۋە كومپانياسىنىڭ العاشقى كوكشەتاۋ – ماسكەۋ حالىقارالىق رەيسى جاسالدى. بۇل وقيعا قالالىق اۋەجايدىڭ «KTZ Express» كولىكتىك-لوگيستيكالىق كومپانياسىنا سەنىمدى باسقارۋعا وتۋىنە بايلانىستى جۇزەگە اسىرىلدى.
2013 جىلعى مامىردىڭ 8-ىندە وبلىس ورتالىعىنىڭ اۋەجايى كولىكتىك-لوگيستيكالىق كومپانيانىڭ قاراۋىنا ءوتىپ, سودان بەرى ازاماتتىق اۆياتسيا كوميتەتىمەن بىرلەسكەن تۇردە مەملەكەتتىك قابىلداۋ وتكىزىپ, وعان حالىقارالىق مارتەبە بەرىلدى. 2013 جىلعى قازاننىڭ 19-ىندا قازاقستان رەسپۋبليكاسى ۇكىمەتىنىڭ شەشىمىمەن جوعارى تالاپتارعا ساي كەلەتىن اۋەجايعا حالىقارالىق مارتەبە بەرۋ تۋرالى شەشىم قابىلداندى.
سونىمەن قاتار, «KTZ Express» كومپانياسى «ترانساەرو» اۋە كومپانياسىمەن كەلىسىمشارت نەگىزىندە حالىقارالىق رەيستەردى ورىنداۋعا ۋاعدالاستىققا قول جەتكىزدى. سونىڭ ناتيجەسىندە كوكشەتاۋ – ماسكەۋماسكەۋ – كوكشەتاۋ تۇراقتى اۋە باعىتى كەستەگە ەنگىزىلدى. العاشقى رەيس قازاقستان رەسپۋبليكاسىنىڭ تاۋەلسىزدىك كۇنى مەرەكەسىنە سايكەس كەلدى.
بۇل حالىقارالىق رەيس بوينگ 737-700 ۇشاعىمەن اپتاسىنا ەكى رەت جۇزەگە اسىرىلادى. وندا 8 بيزنەس-كلاسس, 120 ەكونوم-كلاسس ورىندارى بار. كوكشەتاۋدان تاڭعى 6.20-دا شىقسا, 2 ساعات 30 مينۋتتا رەسەي استاناسىنىڭ ۆنۋكوۆو اۋەجايىنا تابان تىرەيدى. رەيستىڭ ەكى باعىتىنا دا ءبىر باعا – 40 مىڭ تەڭگە بەلگىلەنگەن. العاشقى رەيسكە 20 جولاۋشى بيلەت الدى. وعان «ترانساەرو» اۋە كومپانياسىنىڭ ۇشۋ وتريادى كومانديرىنىڭ ورىنباسارى قاتىسادى. بيىلعى مامىر-قازان ارالىعىندا اۋەجايدىڭ ۇشۋ-قونۋ جولاعى ۇزارتىلدى. جولاۋشىلاردىڭ ۇشاققا وتىرۋىنا جايلى جاعداي جاسالدى. جوبانىڭ كوكشەتاۋ قالاسى مەن اقمولا وبلىسى تۇرعىندارىنىڭ جەدەل قاتىناۋىنا جاعداي جاساپ, اۋەجايدىڭ كىرىسى مولايۋىنا, ەكونوميكاسى دامىپ, ءتۋريزمنىڭ قالىپتاسۋىنا ىقپال ەتەدى.
«KTZ Express» پەن كوكشەتاۋ حالىقارالىق اۋەجايى كەلەسى جىلدان باستاپ ومبى – انتاليا حالىقارالىق رەيسىن قولعا الماق. ءسويتىپ, ەل اۋماعى عانا ەمەس, كورشىلەس مەملەكەتتەر ارقىلى دا ۇشۋ اياسىن كەڭىتە ءتۇسۋ جوسپارلارى بار.
«ەگەمەن-اقپارات».
