بۇگىندە قىلمىستىق-اتقارۋ جۇيەسى مەكەمەلەرىندە ءتيىستى ءتارتىپ قامتاماسىز ەتىلگەن. قازىرگى زامانعى تالاپتارعا ساي كەلمەيتىن 2 كولونيا جابىلدى. سوتتالعانداردى ۇستاۋ جاعدايلارى جاقسارتىلدى: تۋىستارىمەن بەينە-قوڭىراۋ ارقىلى سويلەسۋ, ينتەرنەت-دۇكەندەردەن جەكەلەگەن تاۋارلارعا تاپسىرىستار بەرۋ ەنگىزىلدى, سالەمدەمەلەردىڭ سالماعى كوبەيتىلىپ, تەلەفون ارقىلى سويلەسۋدىڭ ۋاقىتى ۇزارتىلدى.
باسقا ينستانتسيالارعا ەلەكتروندىق وتىنىشتەر بەرۋ ءۇشىن تەرمينالدار ورناتىلعان.
سوتتالعانداردىڭ ەڭبەكپەن قامتىلۋ كورسەتكىشى 43%-دان 48%-عا دەيىن جاقساردى, 11,5 مىڭ ادام جۇمىسقا ورنالاستىرىلدى. الايدا ءىىم باسشىسىنىڭ پىكىرىنشە, بۇل جەتكىلىكسىز. بۇل ماسەلەنى شەشۋ جولدارىن تۇبەگەيلى وزگەرتۋ تالاپ ەتىلەدى. اتاپ ايتساق, ۆەدومستۆودا قاج مەكەمەلەرىنىڭ اۋماعىندا ونەركاسىپتىك ايماقتاردى, ونىڭ ىشىندە مەملەكەتتىك-جەكە مەنشىك ارىپتەستىك ارقىلى دامىتۋ ماسەلەلەرىن پىسىقتاۋ جوسپارلانۋدا.
