ايماقتار • 22 قاڭتار، 2021

قىزمەت بارىسىندا قازا تاپقان پوليتسەيلەردى ەسكە الۋ جيىنى ءوتتى

18 رەت كورسەتىلدى

قوستاناي اۋداندىق پوليتسيا بولىمىندە قىزمەتتىك بورىشىن وتەۋ بارىسىندا قازا تاپقان قىزمەتكەرلەرگە ارنالعان  «ەرلىك بۇرىشى» اشىلدى، - دەپ حابارلايدى Egemen.kz

ەسكە الۋ راسىمىنە قوعامدىق ءتارتىپ كۇزەتىندە ءجۇرىپ مەرت بولعان پوليتسەيلەردىڭ وتباسى مەن تۋىستارى، پوليتسيا دەپارتامەنتىنىڭ باسشىلىعى جانە ىشكى ىستەر ورگاندارىنىڭ ارداگەرلەرى قاتىستى. ءىس-شارا بارىسىندا سانيتارلىق تالاپتار قاتاڭ ساقتالدى. جينالعاندار قازا تاپقان قىزمەتكەرلەردى ءبىر مينۋت ۇنسىزدىكپەن ەسكە الدى.

پوليتسيا سەرجانتى دارحان بازارباەۆ بىلتىر قاڭتار ايىندا قاسكويدىڭ قولىنان مەرت بولعان ەدى. وتباسىلىق جانجالدىڭ ناتيجەسىندە ءوز تۋىستارىنا قاۋىپ توندىرگەن 28 جاستاعى توبىل قالاسىنىڭ تۇرعىنى شاقىرتۋ بويىنشا بارعان دارحانعا  پىشاق سىلتەگەن. قاپىدا جۇرەك تۇسىنان جاراقات العان قايسار ازامات ساناۋلى مينۋت عۇمىرى قالعانىنا قاراماستان، قاسكويدى بايلاپ-ماتاپ، قاۋىپتىڭ الدىن كەسەدى. وقيعا ورنىنا كەلگەن جەدەل جاردەم پوليتسيا سەرجانتىنىڭ ومىرىنە اراشا تۇرا المادى.

ەسكە الۋ شاراسى بارىسىندا قوستاناي وبلىسى پد باستىعىنىڭ مىندەتىن اتقارۋشى قايرات دۇيسەمبەكوۆ ءسوز سويلەدى.

- دارحاننىڭ ارامىزدان كەتكەنىنە ءبىر جىل بولدى. ءبىز قاھارمان ارىپتەسىمىزدى ءاردايىم ەستە ساقتاپ، قۇرمەتتەيمىز. ونىڭ ەرلىك ءىسى - باتىلدىق پەن قايسارلىقتىڭ ۇلگىسى، - دەدى پوليتسيا پولكوۆنيگى.

اۋداندىق پوليتسيا ءبولىمىنىڭ ءۇشىنشى قاباتىندا دارحان بازارباەۆ پەن 2011 جىلى قوعام تىنشتىعى ءۇشىن ءوز ءومىرىن قۇربان ەتكەن عازيز بايتاسوۆقا ارنالعان ەرلىك بۇرىشى قويىلعان.

جيىندا ءسوز العان اۋداندىق پوليتسيا ءبولىمىنىڭ باستىعى مۇحتار جايلاۋبەكوۆ تە تەبىرەنە سويلەدى.

- وتكەن جىلى دارحان بازارباەۆپەن بىرگە جۇمىس ىستەدىك، مەن ونى جاقسى بىلەتىنمىن. شىنىندا دا، ول ءوزىنىڭ مىنەزىمەن باسقالاردان ەرەكشەلەنىپ تۇراتىن. قىزمەتتىك مىندەتىنە قاشان دا اسا جاۋاپكەرشىلىكپەن قارادى. وتە قايسار جىگىت ەدى. ال عازيز بايتاسوۆپەن جامبىل وبلىسى مەركى اۋداندىق پوليتسيا بولىمىندە جۇمىس ىستەگەن كەزدە تانىستىم، - دەدى مۇحتار جايلاۋبەكوۆ.

دارحاننىڭ اتا-اناسى ۇلىنىڭ ەسىمىن قادىرلەپ، كەيىنگىگە ۇلگى-ونەگە ەتكەن پوليتسيا ۇجىمىنا العىس ايتتى.

- ۇلىم ءوز بورىشىن ادال وتەدى. ول ارقاشان جۇرەگىمىزدە قالادى. ارىپتەستەرىنە، پوليتسيا دەپارتامەنتىنىڭ باسشىلىعىنا كورسەتكەن كومەكتەرى ءۇشىن ۇلكەن راحمەت، - دەدى د.بازارباەۆتىڭ اناسى زامزاگۇل قاليەۆا.

 

قوستاناي وبلىسى

توبىل قالاسى

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار