اقتوبە وبلىسىنىڭ تىلدەردى دامىتۋ باسقارماسىنىڭ ۇيىمداستىرۋىمەن وبلىس اكىمى ارحيمەد مۇحامبەتوۆتىڭ مەملەكەتتىك ءتىلدى جەتىك مەڭگەرىپ, قوعامدىق ءومىر مەن شىعارماشىلىقتا بەلسەندى پايدالاناتىن وزگە ۇلت جاستارىمەن كەزدەسۋى وتكىزىلدى. ءوڭىر باسشىسىمەن كەزدەسۋگە ءارتۇرلى سالادا قىزمەت ەتەتىن مەملەكەتتىك ءتىلدى جەتىك مەڭگەرگەن تاۋەلسىزدىك قۇرداستارى-جاستار, وبلىستىق باسقارمالاردىڭ باسشىلارى, وبلىستاعى جاستار ۇيىمدارىنىڭ وكىلدەرى قاتىستى.
اقتوبە وبلىسىنىڭ تىلدەردى دامىتۋ باسقارماسىنىڭ ۇيىمداستىرۋىمەن وبلىس اكىمى ارحيمەد مۇحامبەتوۆتىڭ مەملەكەتتىك ءتىلدى جەتىك مەڭگەرىپ, قوعامدىق ءومىر مەن شىعارماشىلىقتا بەلسەندى پايدالاناتىن وزگە ۇلت جاستارىمەن كەزدەسۋى وتكىزىلدى. ءوڭىر باسشىسىمەن كەزدەسۋگە ءارتۇرلى سالادا قىزمەت ەتەتىن مەملەكەتتىك ءتىلدى جەتىك مەڭگەرگەن تاۋەلسىزدىك قۇرداستارى-جاستار, وبلىستىق باسقارمالاردىڭ باسشىلارى, وبلىستاعى جاستار ۇيىمدارىنىڭ وكىلدەرى قاتىستى.
كەزدەسۋدە وبلىس باسشىسى مەملەكەتتىك ءتىلدى مەڭگەرۋدىڭ ومىرلىك قاجەتتىلىكتەن تۋىپ وتىرعانىن, قازاق ءتىلىن وقىپ-ۇيرەنۋ اركىمنىڭ ءوز ەركىندە ەكەنىن, الايدا, مەملەكەتتىك ءتىلدى يگەرۋگە نيەتتىلەرگە جاعداي تۋعىزىپ, قولداۋ كورسەتۋ جەرگىلىكتى بيلىكتىڭ مىندەتى بولىپ تابىلاتىنىن جەتكىزدى. تاۋەلسىزدىك قۇرداستارىنا وزگە ۇلت وكىلدەرى بولا تۇرا مەملەكەتتىك ءتىلدى يگەرۋگە دەگەن قۇشتارلىقتارى, قازاق تىلىنە دەگەن قۇرمەتى ءۇشىن ريزاشىلىعىن ءبىلدىردى.
وبلىستىق تىلدەردى دامىتۋ باسقارماسىنىڭ باسشىسى گۇلايىم تولەباەۆا وسى باعىتتا اتقارىلعان جۇمىستارعا توقتالدى. ونىڭ مالىمدەۋىنشە, قازىر وبلىستا مەملەكەتتىك ءتىلدى مەڭگەرگەندەردىڭ ۇلەسى 85 پايىزدى قۇرايدى. زەرتتەۋ قورىتىندىسى بويىنشا, قازاق ءتىلىن وقىپ-مەڭگەرۋ قاجەت دەپ سانايتىن تۇرعىندار ۇلەسى 90 پايىزدى قۇراسا, وزگە ۇلت وكىلدەرىنىڭ مەملەكەتتىك ءتىلدى مەڭگەرۋ دەڭگەيى 21,3 پايىز بولىپ وتىر.
2013 جىلى وقىتۋ ورتالىعىندا مەملەكەتتىك ءتىلدى وقىتۋمەن قامتىلعان تىڭداۋشىلاردىڭ 33 پايىزى وزگە ۇلت وكىلدەرى بولدى. وبلىستاعى 19 ەتنو-مادەني ورتالىقتار جانىنداعى 6 جەكسەنبىلىك مەكتەپتە 281 وزگە ۇلت وكىلى انا تىلدەرىن, 265 وزگە ۇلت وكىلى مەملەكەتتىك ءتىلدى وقىپ-ۇيرەنۋدە. بۇگىنگى كۇنى مەكتەپكە دەيىنگى ءبىلىم مەكەمەلەرىندە وزگە ۇلتتاردىڭ 721 ءبۇلدىرشىنى, جالپى مەكتەپتەردە 437 بالاسى قازاق تىلىندە ءبىلىم-تاربيە الۋىن ولار بالالارىنىڭ بولاشاعىن قازاق ەلىمەن, قازاق تىلىمەن بايلانىستىراتىنىنىڭ بىردەن-ءبىر دالەلى بولىپ تابىلادى.
كەزدەسۋدە اقتوبە گۋمانيتارلىق كوللەدجىنىڭ ستۋدەنتى تاتيانا شيرياەۆا, ق.جۇبانوۆ اتىنداعى اقتوبە مەملەكەتتىك وڭىرلىك ۋنيۆەرسيتەتىنىڭ ستۋدەنتى مارات زياديەۆ, «اقتوبە حروم قوسىندىلارى زاۋىتى» اق حاتشى-رەفەرەنتى ناتاليا كۋنديۋس تازا قازاق تىلىندە سويلەپ, مەملەكەتتىك ءتىلدى وقىپ-ۇيرەنۋ, ءبىلۋ ءار قازاقستاندىقتىڭ ازاماتتىق پارىزى, مەملەكەت قۇرۋشى قازاق حالقىنا دەگەن قۇرمەتى دەگەن وي ءتۇيدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
