قازاقستان رەسپۋبليكاسى تاۋەلسىزدىگىنىڭ 22 جىلدىعىنا وراي ماسكەۋدە سالتاناتتى قابىلداۋ بولىپ ءوتتى. وعان رەسەي پرەزيدەنتى اكىمشىلىگىنىڭ, ۇكىمەتىنىڭ وكىلدەرى, مەملەكەتتىك دۋما مەن فەدەرالدى جينالىسى فەدەراتسيا كەڭەسىنىڭ دەپۋتاتتارى, سىرتقى ساياسات ۆەدومستۆوسىنىڭ باسشىلىعى, بىرقاتار مينيسترلىكتەر مەن مەملەكەتتىك ورگانداردىڭ قىزمەتكەرلەرى قاتىستى.
قازاقستان رەسپۋبليكاسى تاۋەلسىزدىگىنىڭ 22 جىلدىعىنا وراي ماسكەۋدە سالتاناتتى قابىلداۋ بولىپ ءوتتى. وعان رەسەي پرەزيدەنتى اكىمشىلىگىنىڭ, ۇكىمەتىنىڭ وكىلدەرى, مەملەكەتتىك دۋما مەن فەدەرالدى جينالىسى فەدەراتسيا كەڭەسىنىڭ دەپۋتاتتارى, سىرتقى ساياسات ۆەدومستۆوسىنىڭ باسشىلىعى, بىرقاتار مينيسترلىكتەر مەن مەملەكەتتىك ورگانداردىڭ قىزمەتكەرلەرى قاتىستى.
قازاقستانعا وزدەرىنىڭ قۇرمەتتەرىن ماسكەۋدە تىركەلگەن ديپلوماتيالىق كورپۋستىڭ, حالىقارالىق ۇيىمداردىڭ, ىسكەرلىك جانە اكادەميالىق توپتاردىڭ, جۇرتشىلىقتىڭ, قازاق دياسپوراسىنىڭ, باق-تاردىڭ وكىلدەرى, ارداگەرلەر, سونداي-اق, رەسەيدە وقيتىن قازاقستاندىق ستۋدەنتتەر دە ءبىلدىردى.
ءوزىنىڭ سوزىندە قازاقستاننىڭ رەسەيدەگى ەلشىسى عالىم ورازباقوۆ تاۋەلسىزدىك جىلدارىندا قازاقستاننىڭ ءجۇرىپ وتكەن جولى تۋرالى كەڭىنەن اڭگىمەلەپ بەردى. جالپى, ەكى مەملەكەت اراسىندا ىزگى كورشىلەستىك پەن ستراتەگيالىق ارىپتەستىكتىڭ بەرىك ىرگەتاسى قالىپتاسقانى اتاپ كورسەتىلدى.
* * *
قازاقستان تاۋەلسىزدىگىنىڭ ۇلىق مەرەكەسىنە وراي قىتاي استاناسى – بەيجىڭ قالاسىندا سالتاناتتى قابىلداۋ بولدى. شاراعا قىتايدىڭ مەملەكەتتىك ورگاندارىنىڭ باسشىلارى, شەتەلدىك ديپلوماتيالىق ميسسيالار مەن حالىقارالىق ۇيىمداردىڭ جەتەكشىلەرى, قوعام قايراتكەرلەرى, ىسكەرلىك جانە عىلىمي توپتار مەن قحر-داعى قازاق دياسپوراسىنىڭ وكىلدەرى قاتىستى.
قابىلداۋ كەزىندە قازاقستاننىڭ قىتايداعى ەلشىسى نۇرلان ەرمەكباەۆ پەن قحر سىرتقى ىستەر ءمينيسترىنىڭ ورىنباسارى چەن گوپين ءسوز سويلەدى. ولار ەكى ەل اراسىندا ديپلوماتيالىق قارىم-قاتىناس ورناعان 22 جىل ىشىندە قازاقستان-قىتاي ىنتىماقتاستىعى ستراتەگيالىق ارىپتەستىكتىڭ بيىك دەڭگەيىنە كوتەرىلگەنىن اتاپ كورسەتتى.
قابىلداۋعا قاتىسۋشىلارعا قازاقستاندى جانە ەكى ەلدىڭ ىنتاماقتاستىعىن ايعاقتايتىن بەينەفيلمدەر مەن فوتوسۋرەت كورمەسى ۇسىنىلدى.
* * *
قازاقستاننىڭ گەرمانياداعى ەلشىلىگى قازاقستان تاۋەلسىزدىگى كۇنىنە وراي مەرەكەلىك كونتسەرت پەن سالتاناتتى قابىلداۋ ۇيىمداستىردى. قازاقستاندىقتاردى ۇلتتىق مەرەكەمەن قۇتتىقتاۋعا 1 مىڭنان استام مەيمان قاتىسسا, ارالارىندا گفر-ءدىڭ كورنەكتى قوعام جانە ساياسي قايراتكەرلەرى, بۋندەستاگ پەن جەر لاندتاگتارىنىڭ دەپۋتاتتارى, مينيسترلىكتەر مەن ۆەدومستۆولاردىڭ باسشىلارى, مادەنيەت قايراتكەرلەرى, بەرليندە تىركەلگەن ديپلوماتيالىق كورپۋستىڭ, باق-تاردىڭ, قازاق دياسپوراسىنىڭ, ستۋدەنت جاستاردىڭ, سونداي-اق, گەرمانيا ىسكەر توپتارىنىڭ وكىلدەرى كەلدى.
قابىلداۋعا گفر سىرتقى ىستەر ءمينيسترى گيدو ۆەستەرۆەللەنىڭ قاتىسۋى ىنتىماقتاستىقتىڭ جوعارى دەڭگەيى مەن گەرمانيانىڭ قازاقستانعا ەرەكشە كوزقاراسىن ايعاقتاپ بەردى. قازاقستاننىڭ گەرمانياداعى ەلشىسى نۇرلان ونجانوۆ نەمىس ارىپتەستەرىنە قازاقستان باسشىسى نۇرسۇلتان نازارباەۆ پەن گەرمانيا كانتسلەرى انگەلا مەركەلدىڭ 2012 جىلدىڭ اقپانىندا وتكەن بەرليندەگى كەلىسسوزدەرى بارىسىندا قول جەتكىزىلگەن ءوزارا ءتيىمدى ىنتىماقتاستىقتى ورىنداۋ جولىنداعى ارەكەتتەرى ءۇشىن ريزاشىلىعىن ءبىلدىردى. جانە ول ەكى ەلدىڭ حالىقارالىق ۇيىمدار اياسىنداعى ءوزارا ءىس-قيمىلىن جوعارى باعالادى.
سالتاناتتى كەش سوڭى ە.قۇسايىنوۆتىڭ باسقارۋىنداعى فولكلورلىق ءانسامبلدىڭ تاماشا كونتسەرتىنە ۇلاستى.
* * *
قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى قابىلداۋ فرانتسيا استاناسى – پاريج قالاسىنداعى بەدەلدى «دوفين» پاۆيلونىندا ۇيىمداستىرىلدى. قازاقستاندىقتاردى ۇلتتىق مەرەكەمەن قۇتتىقتاۋعا كورنەكتى ساياسي جانە قوعام قايراتكەرلەرى, عىلىم مەن مادەنيەت, ىسكەرلىك توپتار, ديپلوماتيالىق كورپۋس پەن حالىقارالىق ۇيىمدار وكىلدەرى, سونداي-اق, قازاق دياسپوراسى مەن ستۋدەنت جاستار كەلدى.
سالتاناتتى قابىلداۋ شەڭبەرىندە قازاقستاننىڭ ەڭبەك سىڭىرگەن قايراتكەرى ەدىل قۇسايىنوۆتىڭ باسقارۋىنداعى فولكلورلىق-ەتنوگرافيالىق ءانسامبلى ونەر كورسەتتى. قازاقستان تاراپىنا سەناتتىڭ بۇرىنعى توراعاسى كريستيان پونسەلە, «فرانتسيا-ورتالىق ازيا» دوستىق توبىنىڭ توراعاسى, سەناتور اندرە ديۋلە, حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەس, يۋنەسكو-نىڭ كوممۋنيكاتسيا جانە اقپارات ماسەلەلەرى جونىندەگى باس ديرەكتورىنىڭ ورىنباسارى يانيس كاركلينس, «فرانتسيا-قازاقستان» ىسكەرلىك كەڭەسىنىڭ تەڭ توراعاسى يۆ-لۋي دارريكارەر, ت.ب. ىزگى تىلەكتەرىن ءبىلدىردى.
* * *
ريم قالاسىندا قازاقستان تاۋەلسىزدىگى كۇنىنە وراي سالتاناتتى قابىلداۋ بولدى. وعان يتاليا پارلامەنتى مەن مينيسترلىكتەرىنىڭ كورنەكتى وكىلدەرى, ساياسي جانە ىسكەر توپتار, جۇرتشىلىق, وسىندا تىركەلگەن شەتەلدىك ديپلوماتتار, جەرگىلىكتى ەسترادا جۇلدىزدارى, جەتەكشى باق-تار وكىلدەرى قاتىستى.
شارانى اشا كەلىپ, قازاقستاننىڭ يتالياداعى ەلشىسى اندريان ەلەمەسوۆ قازاقستان دامۋىنىڭ ساياسي جانە الەۋمەتتىك-ەكونوميكالىق نەگىزگى تابىستارى تۋرالى ايتىپ بەردى. قابىلداۋ بارىسىندا يتاليالىق ارىپتەستەر قازاقستان حالقىنا وزدەرىنىڭ جۇرەكجاردى لەبىزدەرىن ءبىلدىرىپ, ءوسىپ-وركەندەۋ تىلەدى. قابىلداۋ مەيماندارىن ءوزىنىڭ ونەرىمەن الەمدىك اۋقىمداعى يتاليا جۇلدىزى ال بانو مەن پۋپو ءتانتى ەتتى.
مەرەكەلىك كوڭىل كۇيدى قازاق ۇلتتىق ونەر ۋنيۆەرسيتەتىنىڭ ستۋدەنتتەرى دايىنداعان مادەني باعدارلاما ودان سايىن كوتەرە ءتۇستى.
* * *
مادريدتە قازاقستان رەسپۋبليكاسى تاۋەلسىزدىگىنىڭ 22 جىلدىعىنا ارنالعان سالتاناتتى قابىلداۋ بولىپ ءوتتى. وعان يسپانيانىڭ جوعارى لاۋازىمدى ساياسي قايراتكەرلەرى, پارلامەنت دەپۋتاتتارى, ءسىم جانە مەملەكەتتىك مەكەمەلەر باسشىلىعى, ەڭ ءىرى يسپاندىق كومپانيالار باسشىلارى, قوعامدىق-ساياسي جانە مادەني توپتاردىڭ, ديپلوماتيالىق كورپۋستىڭ, قازاق دياسپوراسىنىڭ جانە باق-تاردىڭ وكىلدەرى قاتىستى.
اتاپ ايتقاندا, پارلامەنت سەناتى توراعاسىنىڭ ءبىرىنشى ورىنباسارى حۋان حوسە لۋكاس, قورعانىس ءمينيسترى پەدرو مورەنەس, دۇنيەجۇزىلىك تۋريستىك ۇيىمىنىڭ اتقارۋشى ديرەكتورى زولتان شوموگي, كورولدىك ساياسي عىلىمدار اكادەمياسىنىڭ پرەزيدەنتى, بۇرىنعى سىرتقى ىستەر ءمينيسترى ۆالينو ورەحا, «EFE» حالىقارالىق يسپان اقپارات اگەنتتىگىنىڭ پرەزيدەنتى حوسە انتونيو ۆەرا, «World Stability Observatory» بەدەلدى تالداۋ ورتالىعىنىڭ پرەزيدەنتى, بەلگىلى ساياساتكەر, بۇرىنعى سەناتور لۋيس فراگا جانە ت.ب. كەلدى.
ءوزىنىڭ سوزىندە قازاقستاننىڭ يسپانياداعى ەلشىسى باقىت دۇيسەنباەۆ قاتىسۋشىلاردى ەلباسىمىزدىڭ باسشىلىعىمەن وتكىزىلەتىن ەكونوميكالىق رەفورمالار بارىسى, ساياسي وزگەرىستەر مەن قازاقستاننىڭ جەتىستىكتەرى تۋرالى حاباردار ەتتى.
ءىس-شارا شەڭبەرىندە اقپاراتتىق-يميدجدىك ماتەريالدار تاراتىلدى, قازاقستان تۋرالى تاقىرىپتىق فوتوكورمە ۇيىمداستىرىلىپ, مەيماندارعا ۇلتتىق تاعامدار ۇسىنىلدى.
* * *
قازاقستاننىڭ برازيلياداعى ەلشىلىگى تۇڭعىش پرەزيدەنت كۇنى مەن قازاقستان رەسپۋبليكاسى تاۋەلسىزدىگىنىڭ 22 جىلدىعىنا وراي سالتاناتتى قابىلداۋ ۇيىمداستىردى. رەسمي شارا, سونداي-اق, قازاقستان مەن برازيليا اراسىندا ديپلوماتيالىق بايلانىس ورناۋىنىڭ 20 جىلدىعىنا ارنالدى.
سالتاناتتى كەشكە ارالارىندا برازيليا ۇلتتىق كونگرەسىنىڭ سەناتورلارى مەن دەپۋتاتتارى, مينيسترلىكتەر مەن مەملەكەتتىك ورگانداردىڭ باسشىلارى, برازيليادا تىركەلگەن ديپلوماتيالىق ميسسيالار جەتەكشىلەرى, قوعام جانە ساياسي قايراتكەرلەر, ىسكەر توپتار مەن باق-تار وكىلدەرى قاتىستى.
برازيليا سىرتقى بايلانىستار ءمينيسترىنىڭ ورىنباسارى ماريا رەيس ءوزىنىڭ سوزىندە ەكى ەل اراسىنداعى قارىم-قاتىناستىڭ دوستىق سيپاتىن ەرەكشە اتاپ كورسەتتى. سونداي-اق, ول قازاقستان مەن برازيليانىڭ ءوز وڭىرلەرىندەگى كوشباسشىلىعىنا, ەكى ەلدىڭ حالىقارالىق ارەناداعى جوعارى بەدەلىنە ايرىقشا نازار اۋداردى. مىسال ءۇشىن, ول 2014 جىلى برازيليادا فۋتبولدان الەم چەمپيوناتى, 2016 جىلى جازعى وليمپيا ويىندارى, ال قازاقستاندا 2017 جىلى ەكسپو-2017 كورمەسى وتەتىنىن كولدەنەڭ تارتتى.
سالتاناتتى كەش قازاقتىڭ ۇلتتىق اۋەنىمەن, فوتوكورمەمەن, مەملەكەت باسشىسى تۋرالى جانە جالپى قازاقستان تۋرالى بەينەروليك كورسەتۋمەن ارلەنە ءتۇستى.
ساۋلەبەك ءبىرجان.
