ايماقتار • 21 قاڭتار، 2021

قىزىلوردا وبلىسىندا 6 ميلليونعا جۋىق دارىلىك زات الىندى

75 رەت كورسەتىلدى

وڭىردەگى قوردا كوروناۆيرۋس ينفەكتسياسىنا قارسى دارىلىك زاتتار جەتكىلىكتى. ماسەلەن، جىل باسىنان بەرى 155،3 ملن تەڭگەنى قۇرايتىن 6 ميلليونعا جۋىق دارىلىك زات الىنعان. ونىڭ ىشىندە، ىستىقتى تۇسىرەتىن ءدارى، انتيبيوتيك، ۆيرۋسقا قارسى، يممۋنوستيمۋلياتور، مەديتسينالىق بۇيىمدار، ينەكتسيالىق جانە گورموندىق پرەپاراتتار بار. جۋىردا قوسىمشا 124 ملن تەڭگەنى قۇرايتىن دارىلىك زات اكەلىنەتىن بولادى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

«قازىرگى تاڭدا انتيبيوتيكتەردىڭ 382 755، ۆيرۋسقا قارسى پرەپاراتتاردىڭ 15 221، انتيكواگۋليانتتاردىڭ 1 317، ىستىقتى تۇسىرەتىن پرەپاراتتاردىڭ 166 687 قورابى بار. بيىل 6512 دارىلىك زات اتاۋىنا شەكتى باعا بەكىتىلدى. سونىمەن قاتار ۆيرۋسقا قارسى 134 دارىگە نارىقتان تومەن شەكتى باعا ەنگىزىلدى. ءدارى - دارمەكتەرگە مونيتورينگ تۇراقتى جۇرگىزىلۋدە»، - دەدى وبلىستىق مەديتسينالىق جانە فارماتسەۆتيكالىق باقىلاۋ دەپارتامەنتىنىڭ ءبولىم باسشىسى نۇربەك ءادىلحانوۆ.

سوڭعى جاڭالىقتار

ۇقساس جاڭالىقتار