«2021 جىلدىڭ 19 قاڭتارىندا پوليتسياعا بۇرىنعى جۇبايىنان اقشا ءوندىرۋ تۋرالى ارىزبەن جەرگىلىكتى تۇرعىن جۇگىندى. كامەلەتكە تولماعان بالالاردىڭ اناسى ءوز وتىنىشىندە بۇرىنعى جۇبايىنىڭ ەكى بالانى اسىراۋعا اليمەنت تولەۋ جونىندەگى سوت شەشىمىن ورىنداماي جۇرگەنىن حابارلادى. اجىراسقاننان كەيىن بالالاردىڭ اكەسىنىڭ بالا تاربيەسىنە ودان ءارى قاتىسقىسى كەلمەيتىنى, سونداي-اق ماتەريالدىق جاعىنان كومەكتەسكىسى كەلمەيتىنى انىقتالدى. تولەنبەگەن اليمەنت سوماسى ەكى جىل ىشىندە 2 ملن تەڭگەگە تاياعان. قابىلدانعان شارالاردىڭ ناتيجەسىندە پوليتسيا قىزمەتكەرلەرى بورىشكەر اكەنى انىقتادى. ونىڭ ايتۋىنشا, بالالارىنىڭ تاماعى مەن كيىمىنەن گورى, ءوز باسىنىڭ شىعىنى كوپ ەكەنى بەلگىلى بولدى», دەدى پاۆلودار وبلىسى پوليتسيا دەپارتامەنتىنىڭ كوشى-قون قىزمەتى باسقارماسى باستىعىنىڭ ورىنباسارى قازبەك احمەتوۆ.
ايتا كەتۋ كەرەك, 2020 جىلى قابىلدانعان شارالاردىڭ ناتيجەسىندە وبلىس بويىنشا ءتارتىپ ساقشىلارى اليمەنت تولەمەي جۇرگەن 203 ادامدى تاۋىپ, ۇستادى.
پوليتسيا دەپارتامەنتى اليمەنتتى قاساقانا تولەمەۋشىلەرگە قازاقستان رەسپۋبليكاسى قىلمىستىق كودەكسىنىڭ 139-بابى (بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماۋ, ەڭبەككە قابىلەتسىز اتا-انالارىن, ەڭبەككە قابىلەتسىز جۇبايىن (زايىبىن) كۇتىپ-باعۋعا ارنالعان قاراجاتتى تولەۋدەن جالتارۋ) قولدانىلاتىنىن ەسكە سالادى, وندا اتا-انالاردىڭ ودان بولەك تۇراتىن بالا الدىنداعى مىندەتتەمەلەرىن ورىنداۋدان ءۇش ايدان استام جالتارۋى اۋىر زارداپتارعا اكەلۋى مۇمكىن ەكەنىن كورسەتىلگەن.
مىسالى, قۇقىق بۇزۋشى اليمەنت تولەمەگەنى ءۇشىن 600 ساعاتقا دەيىنگى قوعامدىق جۇمىستار تۇرىندەگى نەمەسە ەكى جىلعا دەيىن باس بوستاندىعىن شەكتەۋ نەمەسە باس بوستاندىعىنان ايىرۋ بويىنشا قىلمىستىق جاۋاپكەرشىلىككە تارتىلۋى مۇمكىن.
