ايماقتار • 21 قاڭتار، 2021

وسكەمەن گارنيزونىنىڭ جاۋىنگەرلىك ازىرلىگىنە وڭ باعا بەرىلدى

10 رەت كورسەتىلدى

قر قارۋلى كۇشتەرى باس شتابى باستىعىنىڭ ورىنباسارى گەنەرال-مايور ادىلبەك الدابەرگەنوۆتىڭ باسشىلىعىمەن قورعانىس مينيسترلىگىنىڭ كوميسسياسى وسكەمەن گارنيزونى اسكەري قىزمەتشىلەرىنىڭ وقۋ-ماتەريالدىق بازاسى مەن جاۋىنگەرلىك دايارلىق دەڭگەيىن تەكسەردى، دەپ حابارلايدى Egemen.kz.

اتالعان ينسپەكتسيا جاڭا-احمەر پوليگونىنداعى موتواتقىشتار بولىمشەلەرىنىڭ جاۋىنگەرىلك اتىسىن باقىلادى. تاكتيكالىق وقۋ-جاتتىعۋ قازىرگى كەزدەگى قارۋلى قاقتىعىستاردىڭ تاجىريبەسىن نەگىزگە الىپ جوسپارلاندى. كوميسسياعا ۇشقىشسىز ۇشۋ قۇرىلعىلارىمەن كۇرەس تاسىلدەرى كورسەتىلدى. اسكەري قىزمەتشىلەر 50-دەن 100 مەتر بيىكتىكتەگى دروندار كورسەتىلگەن نىسانالاردى ءدال اتىپ ءتۇسىردى.

اتىس بارىسىندا اتىس مىندەتتەرىن ورىنداۋ كەزىندەگى ءبولىمنىڭ ءوزارا قارىم-قاتىناسىن ۇيلەستىرۋ مەن ءار ءتۇرلى ۇرىس جاعدايىنداعى ءىس-قيمىل تەكسەرىلدى، سونداي-اق كومانديرلەردىڭ باعىنىستىلارىن باسقارۋى مەن جۇكتەلگەن مىندەتتەردى جەدەل شەشۋگە قابىلەتتىلىگى باعالاندى.

اسكەري ءبولىمنىڭ وقۋ كورپۋسىندا وزىق اسكەرلەر پراكتيكالار كەشەنى ورىستەتىلدى. جاۋىنگەرلىك جانە دەنە دايىندىعى بويىنشا نۇسقاۋشى اعا سەرجانت تەمىرلان مەيراموۆ 14 بولىمنەن تۇراتىن ءبولىم كومانديرلەرىنىڭ جاۋىنگەرلىك كارتىشكەلەرى مەن اتۋ كارتىشكەلەرىنىڭ جاڭا نۇسقاسىن ۇسىندى.

جالپى تەكسەرۋ كوميسسياسى ساربازداردى وقىتۋعا ارنالعان 20-دان استام ازىرلەمەلەردى كورسەتتى. ولاردىڭ ىشىندە ميني-تير بار، وندا وق-دارىلەردى جۇمساماي ءدال نىساناعا الۋ جانە اتۋ بەلگىلەرى، «ماكاروۆ» اۆتوماتى مەن تاپانشاسىن نىساناعا الۋعا ارنالعان لازەرلىك قۇرىلعى وقىتىلادى. بارلىق لايفحاكتاردى اسكەري قىزمەتكەرلەر مەن ءبولىمنىڭ ازاماتتىق قىزمەتكەرلەرى ويلاپ تاپقان. وسىلايشا، اسكەري قىزمەتشىلەردىڭ ءىس جۇزىندە جاۋىنگەرلىك دايارلىق كەزىندە قولداناتىن وقۋ ماتەريالدارى، تاجىريبەلى نۇسقاۋشىلاردىڭ قازاقستاندىق اسكەردىڭ جاڭا تولىمىن وقىتۋعا دايىندىعىن كورسەتە ءبىلدى.

تەكسەرۋ قورىتىندىسى بويىنشا گەنەرال-مايور ادىلبەك الدابەرگەنوۆ باستاعان قورعانىس ۆەدومستۆوسىنىڭ كوميسسيا مۇشەلەرى وسكەمەن گارنيزونى اسكەري قىزمەتشىلەرىنىڭ جاۋىنگەرلىك دايىندىعىنا وڭ باعا بەردى. ودان بولەك تەكسەرۋ بارىسىندا سانيتارلىق-ەپيدەميولوگيالىق تالاپتاردى قاتاڭ ساقتاۋ جاعدايىندا، جاۋىنگەرلىك ازىرلىك شارالارىنىڭ ساپاسىن ساقتاۋ قاجەتتىلىگىنە، ونىڭ ىشىندە روتالىق-تاكتيكالىق وقۋ-جاتتىعۋلار دەڭگەيىندەگى ەرەكشەلىكتەرگە باستى نازار اۋدارۋ تاپسىرىلدى.

 
 
 
سوڭعى جاڭالىقتار

ZOOM اكتسيالارى قىمباتتادى

تەحنولوگيا • بۇگىن، 18:02

اپەننين تۇبەگىنە اتتاندى

سپورت • بۇگىن، 16:38

ۇقساس جاڭالىقتار