قازاق تەاترى 2000 جىلدىڭ 14 قىركۇيەگىندە تۇڭعىش پرەزيدەنت نۇرسۇلتان نازارباەۆتىڭ قاتىسۋىمەن اشىلعان بولاتىن.
ارحيمەد مۇحامبەتوۆ پەن وبلىستىق مادەنيەت باسقارماسىنىڭ باسشىسى ەرلان قالماقوۆ تەاتر جانىنداعى مۋزەيگە ارنايى كىردى. مۇندا تەاتر تاريحىنا قاتىستى قۇندى ەكسپوناتتار ساقتالعان.
– وسى ۋاقىت ىشىندە تەاتردىڭ شىعارماشىلىق ۇجىمى كورەرمەندەرىن مازمۇندى رەپەرتۋارىمەن قۋانتىپ كەلەدى. ءار جىلدارى رەسپۋبليكالىق, حالىقارالىق فەستيۆالدەرگە قاتىسىپ, ەل اۋماعىندا جانە شەتەلدەردە گاسترولدىك ساپارلارمەن ارالاپ قايتتى. تەاتر ۇجىمىنا الداعى ۋاقىتتا دا زور شىعارماشىلىق تابىستار تىلەيمىن! – دەدى تەاتر ارتىستەرىمەن كەزدەسكەن ايماق باسشىسى.
كەزدەسۋ بارىسىندا وبلىس باسشىسى تەاتر ارتىستەرى مەيرام جاپاروۆ, باقىتجان تاڭاتقان ۇلى, ولجاس بەگايداروۆ, ازامات شۇكەەۆ, گۇلنار شايمەردينوۆالارعا «مادەنيەت سالاسىنىڭ ۇزدىگى» توسبەلگىسىن, مارعايشا سابىرجانوۆاعا «ەڭبەك ارداگەرى» مەدالىن, شاحاربانۋ ەسەنعۇلوۆاعا مادەنيەت جانە سپورت مينيسترلىگىنىڭ قۇرمەت گراموتاسىن, ءمولدىر قۇباش, نۇرلىبەك كەنجەاحمەتوۆ, باحىتكۇل حاميتقىزى سىندى جاس ارتىستەرگە مادەنيەت جانە سپورت مينيسترلىگىنىڭ العىس حاتىن تابىس ەتتى. تەاتردىڭ بىرنەشە قىزمەتكەرى وبلىس اكىمىنىڭ گراموتاسىمەن ناگرادتالدى.
سالتاناتتى جيىندا وبلىس اكىمى تەاتر باسشىسىنا اۋداندارعا گاسترولدىك ساپارعا ءجيى شىعىپ تۇرۋدى تىلەك ەتىپ, اۆتوبۋس سەرتيفيكاتىن ۇستاتتى.
قوستاناي وبلىسى
