بۇل زەينەتاقى قورىنداعى قارجىنى شەشۋ جانە جىل سايىنعى مەملەكەتتىك قىزمەتكەرلەردىڭ دەكلاراتسيا تاپسىرۋ ۋاقىتىنىڭ باستالعانىمەن بايلانىستى. تسيفرلى قولتاڭبانى راسىمدەۋشىلەر اراسىندا الماتى, تۇركىستان وبلىسى, نۇر-سۇلتان قالاسىنىڭ تۇرعىندارى كوپ, كوش باستاپ تۇرعان مەگاپوليس – الماتىدا 27 مىڭ بولسا, قالعان ەكەۋىندە 23 مىڭنان قولتاڭبا الىنعان. ەتسق-نى حقو ارقىلى ەڭ از راسىمدەگەندەر سانى باتىس قازاقستان وبلىسىندا – 7 مىڭ.
مەملەكەتتىك كورپوراتسيانىڭ توراعاسى ءادىل كوجيحوۆتىڭ ايتۋىنشا, ەتسق-نى ونلاين تۇردە راسىمدەۋگە بولادى. سوندىقتان پاندەميا ۋاقىتىندا حالىق كوپ جينالاتىن جەرگە بارۋدىڭ قاجەتى جوق. ء«بىز ءار تۇرعىننىڭ دەنساۋلىعىنا الاڭدايمىز. بۇگىندە ەتسق-نى ۇيدە وتىرىپ-اق بىرنەشە مينۋتتىڭ ىشىندە راسىمدەۋگە بولادى», دەيدى ءا.كوجيحوۆ.
سونداي-اق ازاماتتارعا ارنالعان ۇكىمەت ەتسق كىلتتەرىن ۋاقتىلى جاڭارتىپ وتىرۋدى ەسكەرتەدى. ءبىر جىلعا بەرىلەتىن ەلەكتروندى قولتاڭبانىڭ مەرزىمى اياقتالۋعا تاياعان كەزدە, ياعني 10 كۇن بۇرىن ەتسق يەسىنە ەسكەرتپە-سمس كەلەدى. ازاماتتار كىلتتەردىڭ جارامدىلىق مەرزىمىن ۇلتتىق كۋالاندىرۋشى ورتالىعىنىڭ pki.gov.kz سايتى ارقىلى تاعى ءبىر جىلعا ۇزارتا الادى. بۇل دا ەتسق الۋ ءۇشىن حقو-عا بارۋدىڭ قاجەتتىلىگىن جويادى.
ايتا كەتەيىك, ەتسق-نى egov.kz پورتالى ارقىلى ونلاين راسىمدەۋ مۇمكىندىگى 2020 جىلعى ءساۋىر ايىنان بەرى بار. بۇل ءۇشىن كامەراسى بار نوۋتبۋك نەمەسە كومپيۋتەر, جەكە كۋالىك جانە ءموبيلدى ازاماتتار بازاسىندا تىركەۋ بولۋ قاجەت. جۇيە ازاماتتىڭ جەكە باسىنىڭ مالىمەتتەرى مەن بەت-الپەتىن سايكەستىرگەننەن كەيىن جاڭا ەتسق-نى ساقتاپ الۋدى ۇسىنادى.
