ايماقتار • 20 قاڭتار، 2021

قوستاناي وبلىسىندا 5 كيلو ەسىرتكى تاركىلەندى

23 رەت كورسەتىلدى

ايماقتاعى قىلمىستىڭ الدىن الۋ ماقساتىندا وتكەن اۋقىمدى جەدەل ىزدەستىرۋ شارالارى  بارىسىندا  وبلىستىق پد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى اۋليەكول اۋدانىندا ءىرى كولەمدە ەسىرتكى ساقتاعان 47 جاستاعى ەر ادامدى ۇستادى، دەپ حابارلايدى Egemen.kz.

كۇدىكتىدەن گاشيش ەسىرتكىسى سالىنعان  ەكى پلاستيكالىق بوتەلكە تاركىلەنىپ الىندى.

- ءتىنتۋ بارىسىندا كۇدىكتىدەن سكوتچپەن ورالعان كارتون قوراپ الىندى. ونىڭ ىشىنەن سارى پوليەتيلەن پاكەتكە سالىنعان ەكى 5 ليترلىك پلاستيك بوتەلكە شىقتى.  بوتەلكەلەردىڭ ىشىندەگى زاتتىڭ ءيىسى بار جاسىل وسىمدىك ەكەنى انىقتالدى. ساراپتاما قورىتىندىسى بويىنشا، تاركىلەنىپ الىنعان زاتتىڭ جالپى سالماعى 5 كيلودان اساتىن گاشيش ەسىرتكىسى ەكەنى انىقتالدى.

كۇدىكتى اۋليەكول اۋدانىنىڭ تۇرعىنى، بىراق قازىر نۇر-سۇلتان قالاسىندا تۇرادى. بۇعان دەيىن دە ەسىرتكى ساقتاعانى ءۇشىن سوتتالعان. بۇل جولى 17 قاڭتار كۇنى قوستاناي وبلىسىنا قاراستى نوۆوسەلوۆ اۋىلىنىڭ اۋماعىندا ۇستالىپ وتىر.

1

قازىر كۇدىكتى قوستاناي قالاسىنداعى ۋاقىتشا ۇستاۋ يزولياتورىندا وتىر. پوليتسيا قىلمىستىق كودەكستىڭ 297-باپ، 3-ءبولىمى بويىنشا تەرگەۋ شارالارىن جۇرگىزىپ جاتىر.

كۇدىكتىدەن الىنعان ەسىرتكىنىڭ قۇنى شامامەن 2،5 ملن تەڭگە تۇرادى.  پد ءباسپاسوز قىزمەتىنىڭ مالىمەتىنشە، بىلتىر وبلىس پوليتسەيلەرى زاڭسىز اينالىمدا جۇرگەن 473 كيلودان استام ەسىرتكىنى تاركىلەگەن.  

قوستاناي وبلىسى

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار