ايماقتار • 19 قاڭتار، 2021

قوستانايداعى قونىس كولونياسىنان قاشقاندار ۇستالدى

54 رەت كورسەتىلدى

رۋدنىي پوليتسەيلەرى قوستانايداعى 161/11 قونىس كولونياسىنان قاشىپ شىققان ەكى قىلمىسكەردى ۇستادى، دەپ حابارلايدى Egemen.kz

كولونيا كەزەكشىسى تۇزەۋ مەكەمەسىنىڭ اۋماعىندا ەكى سوتتالعاننىڭ جوق ەكەنىن 16 قاڭتار كۇنى كەشكى ساعات 21:00 شاماسىندا انىقتاعان. ءبىرى -  25، ەكىنشىسى - 35 جاستاعى ەكى ەر ادام كولونيانىڭ تەرەزەسىن سىندىرىپ، قاشىپ كەتكەن.

تۇزەۋ مەكەمەسىندە دابىل قاعىلىپ، جەكە قۇرامعا قاشقانداردىڭ ءتۇر-سيپاتى تۇسىندىرىلەدى. ەكى سوتتالۋشى دا بۇرىن رۋدنىي قالاسىندا تۇرعاندىقتان قالالىق پوليتسيا باسقارماسىنىڭ قىزمەتكەرلەرى كۇشەيتىلگەن قىزمەت تارتىبىنە اۋىستىرىلدى.

«جەدەل ىزدەستىرۋ ءىس-شارالارى كەزىندە قالاداعى جالدامالى پاتەرلەر، قىلمىسكەرلەردىڭ دوستارى مەن تۋىستارى تەكسەرىلدى. سول كۇنى ءتارتىپ ساقشىلارى سوتتالعانداردى ۇستادى»، دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.

قازىر ءىس سوتقا بەرىلىپ،  سوتتالعاندار قوستاناي قالاسىنىڭ تەرگەۋ يزولياتورىندا جاتىر.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار