ايماقتار • 19 قاڭتار، 2021

تۇركىستان وبلىسىندا قىز ۇزاتۋ تويىن ۇيىمداستىرعاندار جاۋاپقا تارتىلدى

112 رەت كورسەتىلدى

تۇركىستان وبلىسىندا قىز ۇزاتۋ تويىن ۇيىمداستارعاندار انىقتالدى،  دەپ حابارلايدى Egemen.kz Polisia.kz سايتىنا سىلتەمە جاساپ.

تۇركىستان وبلىسى باس مەملەكەتتىك سانيتارلىق-دارىگەرىنىڭ قاۋلىسى نەگىزىندە شەكتەۋ شارالارى ەنگىزىلگەن. وسى تالاپتاردىڭ ساقتالۋىن قاداعالاۋ ماقساتىندا سارىاعاش اپب قىزمەتكەرلەرى جانە جەرگىلىكتى اتقارۋشى ورگاندارىنان موبيلدىك توپتار قۇرىلىپ قارقىندى جۇمىس جۇرگىزۋدە. سونىڭ ناتيجەسىندە قازاقستان رەسپۋبليكاسى اقبتك-ءنىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردi بۇزۋ) بويىنشا سارىاعاش اۋدانىندا 1479 اكىمشىلىك قۇقىق بۇزۋشىلىق انىقتالعان.

ولاردىڭ بارلىعىنا شارا كورۋ ءۇشىن جيناقتالعان ءىس-قۇجاتتارى سارىاعاش اۋداندىق تاۋارلار مەن كورسەتىلگەن قىزمەتتەردىڭ قاۋىپسىزدىگىن باقىلاۋ باسقارماسىنا جولدانعان. ماسەلەن، وسى باعىتتاعى جۇمىستاردى جۇرگىزۋ بارىسىندا پوليتسەيلەر، سارىاعاش قالاسى ارقىلى وتەتىن شىمكەنت-جەتىساي تاس جولىنىڭ بويىندا ورنالاسقان تويحانادا ۇزاتۋ تويى بولىپ جاتقانىن انىقتادى. تويحانادا شامامەن 100-گە جۋىق ادام بولعان. پوليتسەيلەر بىردەن ارەكەت ەتىپ، تويدى توقتاتىپ، قوناقتاردى قايتاردى.

وسىعان وراي حالىقتىڭ كوپتەپ شوعىرلانۋىنا جول بەرىپ، كارانتين تالاپتارىن ورىنداماعانى ءۇشىن تويحانا يەسى مەن توي يەسىنە قاتىستى ءىس-قۇجاتتار راسىمدەلىپ، سارىاعاش اۋداندىق سەبب-نا جولدانعان. 

اتاپ كەتەيىك، موبيلدىك توپ كۇندەلىكتى تەكسەرۋ جۇمىستارىن اتقارىپ، وسى كۇنگە دەيىن 6692 القاپتار مەن عيماراتتاردا كارانتين رەجيمىنىڭ ساقتالۋى بويىنشا تەكسەرۋلەر جۇرگىزگەن. 1825 دانا ەسكەرتۋ پاراقشالارى تارقاتىلىپ، باس مەملەكەتتىك سانيتارلىق دارىگەردىڭ قاۋلىسىندا كورسەتىلگەن شەكتەۋ شارالارى تانىستىرىلعان.


سوڭعى جاڭالىقتار

ۇقساس جاڭالىقتار