مەديتسينا • 19 قاڭتار، 2021

جازباشا كەلىسىم تالاپ ەتەدى: كوروناۆيرۋسقا قارسى ۆاكتسينادان قاۋىپ بار ما

89 رەت كورسەتىلدى

كوروناۆيرۋس ينفەكتسياسىنا قارسى «سپۋتنيك V» ۆاكتسيناسىن سالعىزاتىن ادامنان مىندەتتى تۇردە جازباشا كەلىسىم تالاپ ەتىلەدى. مۇنداي تالاپتىڭ بارىن قازاقپارات تىلشىسىنە دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ ايتتى، دەپ حابارلايدى Egemen.kz

«كۆي ەكپەسىن تۇرعىلىقتى مەكەنى بويىنشا تىركەلگەن ەمحانادان الۋعا بولادى. بۇل رەتتە قاۋىپ توبىنا جاتاتىن ازاماتتاردى ەكپە الۋعا ۋچاسكەلىك دارىگەرلەر شاقىرادى نەمەسە جۇمىس ورىنى مەن وقۋ ورىنىنا بايلانىستى ەكپە سالۋ ۇيىمداستىرىلۋى مۇمكىن»، دەيدى ەرجان بايتاناەۆ. ونىڭ ايتۋىنشا ۆاكتسينا الۋ ءۇشىن ازاماتتار جازباشا كەلىسىم بەرۋى كەرەك. ۆاكتسيناتسيا 21 كۇندىك ارالىقپەن ەكى كەزەڭدە جۇرگىزىلەدى.

«وسىعان دەيىن اتالعان توپتارعا كىرەتىن ازاماتتارعا ەكپە تەگىن. سونىمەن قاتار حالىقتىڭ قوسىمشا وسال توپتارىن ەنگىزە وتىرىپ، كونتينگەنتتى ارتتىرۋ كوزدەلۋدە. اتاپ ايتقاندا بۇل كونتينگەنتكە تجم، ءىىم، قورعانىس مينيسترلىگى، ۇقك، مەملەكەتتىك كۇزەت قىزمەتى قىزمەتكەرلەرىن ەنگىزۋ جوسپارلانىپ وتىر»، دەدى ول.

ايتا كەتەيىك، بۇگىنگى ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي ۆاكتسينا 1 اقپاننان باستاپ ەگىلەتىنىن جانە ەڭ الدىمەن كىمدەرگە سالىناتىنىن ايتقان بولاتىن.



سوڭعى جاڭالىقتار

ۇقساس جاڭالىقتار