اۋىل • 19 قاڭتار، 2021

اۋىلداعى «مۇزتاۋ»

48 رەت كورسەتىلدى

جەتىسۋدىڭ ءبىر اسەم ولكەسىنە جاتاتىن كەگەن وڭى­رىندە تابيعاتتىڭ عاجايىپ سىيى جەتەرلىك. قور­شاعان ورتانىڭ كوركەم بەينەسىن اۋىل جۇرتى «كەرە­مەت كورەم دەسەڭ، كەگەنگە كەل...» دەپ انگە قوسادى.

بۇعان دالەل رەتىندە اۋدان اۋماعىنداعى كولساي مەن قايىڭدى كولدەرىن اتاۋ ءلازىم. ويتكەنى جاز ماۋسىمىندا تاۋ باۋرايىنداعى ءىنجۋ-مارجان ماڭىندا تىرشىلىك قىزىپ، تۋريستەر ءۇشىن ناعىز دەمالىس ءساتى باستالادى. ال كورىكتى ولكەنىڭ قىس بويى تاماشالاۋعا تۇرارلىق عاجايىبى تاعى بار. ماسەلەن، شىرعاناق اۋىلى ماڭىنداعى جوتادا كۇن رايى سۋىعان مەزگىلدەن باستاپ قار كوبەسى سوگىلگەنگە دەيىن اسپانعا شانشىلعان مۇزدى تاۋدى كورۋگە بولدى. اۋىلداعى اعايىن ەجەلدەن «مۇزتاۋ» دەپ اتاپ كەتكەن تابيعي اقشاڭقان مۇنارا اۋدان ورتالىعى كەگەن اۋىلىنان وڭتۇستىك-باتىسقا قاراي جۇرگەندە، 15 شاقىرىمداي جەردە تۇر. وسى جەردەن كەگەن وزەنىنىڭ ءبىر ساعاسى – شىرعاناق وزەنى اعىپ جاتىر.

بۇل «مۇزتاۋ» جەر استىنان تارتىلعان قۇبىردان اتقىلاپ اققان سۋدىڭ مۇزعا اينالۋىنان پايدا بولادى ەكەن. ءار جىل سايىن اياز كۇشەيىپ، قار قالىڭداعان كەزدە اسپانعا اتقىلاعان جەراستى سۋى قاتىپ، كادىمگى قاتپارلى تاۋ بولىپ قالادى. مۇز سۇڭگىلەرمەن شاشاقتالعان اق ءمارمار قابىرعالار «بابىل مۇناراسىنداي» ءورىلىپ، قول جەتپەس جەرگە دەيىن بيىكتەي بەرەدى.

– ولكەدەگى ەرەكشە ءبىر ورىنعا اينالعان مۇز تاۋ قازىر ناعىز دەمالىس ورنىنا اينالدى دەسەك بولادى. كەڭەس وداعى تۇسىندا كولحوزدىڭ ەگىس القابىن سۋارۋ ءۇشىن تەرەڭنەن ۇڭعىما قازىلىپ، تازا سۋ كوزىن پايدالانعانبىز. جارىقتىق تاۋ سۋى مىنەزدى عوي، سول زاماننان بەرى جەرگە قاعىلعان تەمىر قۇبىردان اتقىلاعان ءمولدىر سۋ ءبىر تولاستاعان ەمەس. جازدا بۇل ماڭدا ات تۇياعىنىڭ ءدۇبىرى قىزىپ، كوكپار تارتىسى ءوتىپ جاتاتىن. ال قىستا وسىنداي كوز جاۋىن الاتىن مۇزدى مۇناراعا اينالادى. جاستارعا قىزىق، وسى كورىنىستى تاماشالاۋعا الماتىدان ادامدار كەلىپ، كەتىپ جاتادى، – دەيدى شىرعاناق اۋىلىنىڭ تۇرعىنى ەرمەك قۇرمانعاليەۆ.

شىنىمەن دە 200 مەتر تەرەڭنەن اتقىلاپ شىعىپ جاتقان تاۋ سۋى وسى ءوڭىردى اۋىز سۋمەن دە قامتىپ وتىر ەكەن. ءارى ادامداردىڭ دەمالىسىنا ىڭعايلى ورىنعا اينالعان. شىرعاناق اۋىلىنىڭ جاستارى كۇش بىرىكتىرىپ، قۇدىق ماڭىن كوركەيتىپ، ورىندىقتار قويىپتى. اس پىسىرەتىن ارنايى ورىن مەن قوقىس جينايتىن جاشىكتەر دە ورناتىپتى. سودان بەرى دەمالىس كۇندەرى شاڭعى مەن شاناسىن سايلاپ كەلىپ، تازا اۋادا سەرۋەندەپ قايتاتىن جۇرت قاتارى كوبەيىپتى. ياعني بۇل باستاما كەگەن اۋدانىندا قىسقى ءتۋريزمدى دامىتۋعا قولايلى بولىپ تۇر.

 

الماتى وبلىسى

 

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار