ايماقتار • 18 قاڭتار، 2021

Open Shymkent بىرىڭعاي سەرۆيس پورتالى قۇرىلادى

19 رەت كورسەتىلدى

2021 جىلى شىمكەنتتە قالانى ساپالى ينتەرنەتپەن 100 % قامتاماسىز ەتۋ جوسپارلانۋدا، دەپ حابارلايدى Egemen.kz.

فوتو: بەرەكە سەيىتجاپپار

شىمكەنت قالاسى تسيفرلاندىرۋ باسقارماسىنىڭ باسشىسى اسەت ءابدىراحانوۆ قالا اكىمىنە بيىلعى جوسپارلارىن باياندادى. باسقارما باسشىسىنىڭ ايتۋىنشا، 2020 جىلى بايلانىس وپەراتورلارى اكىمدىكپەن بىرلەسىپ 11 بازالىق ستانتسيانى ورناتىپ، 16 تۇرعىن الاپتا تالداۋ جۇمىستارىن جۇرگىزدى.  

2021 جىلى شالعايداعى تۇرعىن الاپتاردا 14 بازالىق ستانتسيا، جەكە ينۆەستورلارمەن قالانىڭ 16 شاعىناۋدانى مەن تۇرعىن الاپتارىنا وپتيكالىق كابەلدى ورناتۋ كوزدەلۋدە. بيىل Open Shymkent شىمكەنت قالاسىنىڭ مەملەكەتتىك قىزمەتتەرى مەن سەرۆيس پورتالى قۇرىلادى. بىرىڭعاي پورتال دەرەكتەردى جاڭارتۋ جانە ۆيزۋاليزاتسيا، قاراپايىم ازاماتتارعا قولايلىلىق پەن قولجەتىمدىلىك، مالىمەتتەر بازاسىن ساقتاۋ، مەملەكەتتىك جۇيەلەرمەن ينتەگراتسيالاۋ، ءبىر تەرەزە قاعيداسى جانە قالانىڭ باسقا ساندىق قىزمەتتەرىمەن ينتەگراتسيالاۋعا مۇمكىندىك بەرەدى. 

باسقارما باسشىسىنىڭ مالىمدەۋىنشە، بيىل تەمىرلان تاس جولى بويىندا «اقىلدى» جاياۋ جۇرگىنشىلەر وتكەلى جوباسىن ىسكە اسىرۋ كوزدەلۋدە. بۇل – تۇرعىندار قاۋىپسىزدىگى ءۇشىن قاجەتتى جوبا. ناقتىراق ايتقاندا، تۇرعىندار جاياۋ جۇرگىنشىلەر جولاعىنا اياق باسقاندا كولىكتەر ءۇشىن لازەر ساۋلەسى بەلگى بەرەدى. جوبانى «NurcomTel» كومپانياسى پيلوتتىق رەجيمدە جەكە ءوز قارجىسى ەسەبىنەن قولعا الادى. قالا اكىمى «ادام ءومىرى – ەڭ ۇلكەن بايلىق» ەكەنىن العا تارتىپ، مۇنداي جوبالاردىڭ وتە قاجەت ەكەنىن مالىمدەدى. 

سونداي-اق، بيىل الەۋمەتتىك سالالاردى تسيفرلاندىرۋ دا جوسپاردا. قالانىڭ ەمحانالارى مەن اۋرۋحانالارىندا دارىگەرلەردىڭ QR-رەيتينگىن ەنگىزۋ، «اقىلدى ەمحانا» پيلوتتىق جوباسى ىسكە قوسىلماق. ءبىلىم بەرۋ مەكەمەلەرىنىڭ ەمتيحاندارىن قاشىقتىقتان وتكىزۋ، ونلاين-وليمپيادا ۇيىمداستىرۋ جوبالارى قولعا الىنباق. جالپى ءبىلىم بەرۋ مەكەمەلەرى مەن ءبىلىم بەرۋ باسقارماسى اراسىندا ەلەكتروندىق قۇجات اينالىمى جۇزەگە اسپاق. 

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار