ايماقتار • 18 قاڭتار، 2021

الەۋمەتتىك جەلى ارقىلى جارىلعىش زات ساتپاق بولعان رەسەي ازاماتى ۇستالدى

13 رەت كورسەتىلدى

قوستانايلىق پوليتسەيلەر  چەليابى وبلىسىندا جارىلعىش زات جاساپ، ونى ساتۋ ءۇشىن الەۋمەتتىك جەلىدە جارنامالاپ كەلگەن ترويتسك قالاسىنىڭ تۇرعىنىن انىقتادى، دەپ حابارلايدى Egemen.kz.

12 قاڭتار كۇنى الەۋمەتتىك جەلىگە مونيتورينگ جۇرگىزگەن وبلىستىق پوليتسيا دەپارتامەنتىنىڭ ماماندارى تروتيل قۇتىلارى مەن تۇتاتقىش تۇتىكتەردىڭ سۋرەتى بار جارناماعا نازار اۋدارىپ، ونى دەرەۋ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى تەكسەرۋگە كىرىسەدى.

جەدەل-ىزدەستىرۋ شارالارىنىڭ ناتيجەسىندە فوتوسۋرەتتىڭ الەۋمەتتىك جەلىگە رەسەي فەدەراتسياسىنىڭ اۋماعىندا جۇكتەلگەنى، سونداي-اق كۇدىكتىنىڭ جەكە باسى تۋرالى مالىمەتتەر مەن جارىلعىش زاتتار تۇرعان ورىن انىقتالادى. قوستاناي وبلىسىنىڭ پوليتسەيلەرى بۇل مالىمەتتەردى رەسەيلىك ارىپتەستەرىنە جىبەرەدى.

تەسكەرۋ شارالارىن چەليابى وبلىسىنىڭ پوليتسەيلەرى ءىلىپ اكەتىپ،  13 قاڭتاردا چەليابى وبلىسىنداعى ترويتسك قالاسىنىڭ 37 جاستاعى تۇرعىنىن ۇستادى. ودان جارىلعىش زاتتار مەن جارىلعىش قۇرىلعىلارعا ارنالعان تروتيل قۇتىلارى، تۇتاتقىش تۇتىكتەر جانە ونەركاسىپ وندىرىسىندە پايدالانىلاتىن تۇتاتقىش ەلەكتر قۇرىلعىلارى تاركىلەنىپ الىندى.

وبلىستىق پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ باستىعى ەربول دەربىسوۆتىڭ ايتۋىنشا، قوستاناي وبلىسى مەن چەليابى وبلىسىنىڭ ءتارتىپ ساقشىلارى قىلمىسقا قارسى كۇرەستە شەكارا ماڭى ىنتىماقتاستىعى جوسپارى بويىنشا جۇمىس ىستەيدى. اتالمىش ىنتىماقتاستىق اياسىندا ەكى ەلدىڭ ىشكى ىستەر ورگاندارى شەكارا ماڭىنداعى قىلمىستىڭ الدىن الۋ نەمەسە قىلمىستى اشۋ، كۇدىكتىلەردى ۇستاۋ، ەسىرتكى نەمەسە زاڭسىز تاۋارلاردى تاسىمالداۋ  جولدارىنا توسقاۋىل قويۋ سياقتى اۋقىمدى شارالاردى بىرلەسىپ جۇزەگە اسىرىپ كەلەدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار