ايماقتار • 17 قاڭتار، 2021

قوستانايدا 5-11 سىنىپ وقۋشىلارى قاشىقتان وقۋعا كوشتى

21 رەت كورسەتىلدى

قوستاناي قالاسىنىڭ 5-11 سىنىپ وقۋشىلارى قاشىقتان وقۋعا كوشتى. ءبىلىم باسقارماسىنىڭ مالىمەتىنشە، قاڭتاردىڭ بىرىنەن ون بەسىنە دەيىن وبلىس ورتالىعىندا كورونوۆيرۋسپەن اۋىرعان 53 وقۋشى تىركەلگەن. ىندەت جۇقتىرعانداردىڭ ىشىندە قاشىقتان وقىپ جاتقان 34، كەزەكشى سىنىپتارعا بارىپ جۇرگەن 19 بالا بار.

مۇنىڭ سىرتىندا، جىل باسىنان بەرى ءبىلىم سالاسىندا جۇرگەن 50 ادامنىڭ كورونوۆيرۋس ىندەتىمەن اۋىرعانى بەلگىلى بولىپ وتىر. مۇنىڭ ىشىندە كەزەكشى سىنىپتاردا ساباق بەرگەن 19، قاشىقتان وقىتىپ جۇرگەن 16 مۇعالىم جانە مەكتەپكە دەيىنگى مەكەمەلەردە جۇمىس ىستەيتىن 18 تاربيەشى بار.     

ءبىلىم مەكەمەلەرىندەگى سانيتارلىق-ەپيدەميالىق احۋالدىڭ اسقىنۋىنا بايلانىستى،  قوستاناي قالاسىنىڭ باس سانيتارلىق دارىگەرى ا.بايكەنوۆ ءبىلىم مەكەمەلەرىندەگى سانيتارلىق تالاپتى كۇشەيتۋ تۋرالى جاڭا قاۋلى قابىلداپ، 5-11 سىنىپ وقۋشىلارىن قاڭتاردىڭ 18-ىنەن 31-ىنە دەيىن قاشىقتان وقىتۋ رەجىمىنە اۋىستىردى.

ءبىلىم باسقارماسىنىڭ باسشىسى ز.بايمەنوۆانىڭ ايتۋىنشا، 1-4 سىنىپ وقۋشىلارى بۇرىنعىداي عانا كەزەكشى سىنىپتاردا ءبىلىم الادى. «الايدا بالالارىن قاشىقتان وقىتۋ رەجىمىنە كوشىرگىسى كەلگەن اتا-انالارعا ەش قارسىلىق بولمايدى»، دەدى باسقارما باسشىسى.

وبلىس ورتالىعىنان تىس جاتقان قالالار مەن اۋداندارداعى مەكتەپتەردىڭ كوبى قازىرشە بۇرىنعىداي ءداستۇرلى رەجىمدە جۇمىس ىستەپ جاتىر. تەك التىنسارين، قاراسۋ اۋدانىندارىندا 5 مەكتەپ جانە  رۋدنىي قالاسى مەن التىنسارين اۋدانىندا 4 بالاباقشا قاشىقتان جۇمىس ىستەۋگە كوشىرىلدى. 

جوو مەن كوللەدج ستۋدەنتتەرى وقۋلارىن قالىپتى رەجىمدە جالعاستىرادى.        

 

قوستاناي وبلىسى

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار